Illa Škuryn zapaliŭ u čempijanacie Polščy: vyjšaŭ na zamienu i zabiŭ dva hały za 6 chvilin VIDEA
Biełaruski napadnik prynios «Stali» doŭhačakanuju pieramohu, zabiŭšy stolki ž, kolki za ŭsie papiarednija matčy ŭ siezonie.
Biełarus Illa Škuryn prynios «Stali» pieramohu nad «Puščaj « u chatnim matčy 15-ha tura čempijanatu Polščy.
Napadnika vypuścili na pole na zamienu na 62-j chvilinie pry liku 0:0. A ŭžo da 74-j chviliny ŭ aktyvie Škuryna byli dva hały. Pryčym dubl jon aformiŭ za šeść chvilin. Sustreča tak i zaviaršyłasia — 2:0. Zabivaŭ u hetym matčy tolki biełarus.
Pierfomans Škuryna pierapyniŭ čatyrochmatčavuju sieryju «Stali» bieź pieramoh: u apošnich čatyroch hulniach kamanda trojčy sastupiła i adzin raz zhulała ŭničyju.
Cikava, što ŭ papiarednich 13 matčach u hetym siezonie Škuryn zabiŭ stolki ž, kolki ŭ adnoj hulni z «Puščaj» — 2 miačy.
«Stal» idzie na 15-m miescy ŭ vyšejšym dyvizijonie čempijanatu Polščy — na radok vyšej za zonu vyletu. «Pušča» raźmiaščajecca jakraz tam — na 17-m miescy.
U minułym siezonie Škuryn byŭ pryznany najlepšym napadnikam «Stali». Jon zabiŭ 16 miačoŭ u 33 matčach i staŭ druhim bambardziram čempijanatu Polščy.
Ciapier čytajuć
Łukašenka apraŭdvajecca za ideju z pryjezdam 150 tysiač pakistancaŭ — heta, kab «zachavać naš narod»26
Kamientary