Muzyka

Premija MTV: tryumf Tejłar Śvift i emacyjnaja pramova Ryty Ory ab udzielniku One Direction

Amierykanskaja śpiavačka Tejłar Śvift atrymała čatyry ŭznaharody na cyrymonii ŭručeńnia muzyčnych uznaharod MTV Europe Music Awards, jakaja prajšła ŭ niadzielu ŭ Mančestery, i stała pieršaj vykanaŭcaj, jakoj udałosia trojčy stać najlepšaj artystkaj za 30-hadovuju historyju premii, piša Bi-bi-si.

Tejłar Śvift. Fota: Chris Pizzello / AP

Śvift atrymała ŭznaharody jak najlepšaja vykanaŭca i najlepšaja amierykanskaja artystka, a taksama za najlepšy klip (Fortnight, razam z Post Malone) i kancertny vystup. Jana nie zmahła prysutničać na ŭznaharodžańni i pieradała videavitańnie z ZŠA, dzie rychtujecca da adnaŭleńnia apošniaha etapu svajho turne Eras.

«Ja pryjšła da vas z tura Eras, i mnie tak sumna, što ja nie mahu być z vami siońnia. Ale dziakuj vialiki za hetyja cudoŭnyja ŭznaharody. Toje, što vy adznačyli tur i ŭsio, što adbyłosia z albomam u hetym hodzie, videa, heta prosta fantastyka», — skazała śpiavačka z ekrana.

Viadoŭca cyrymonii, brytanskaja śpiavačka Ryta Ora, pryśviaciła niekalki chvilin uspaminam pra ŭdzielnika One Direction Liama Pejna, jaki zahinuŭ u kastryčniku ŭ Arhiencinie.

Ora supracoŭničała z Pejnam u pracy nad ich sumiesnym chitom 2018 hoda For You, i jaje hołas zadryžeŭ, kali jana nazvała Pejna «adnym z samych dobrych ludziej, jakich jana viedała». Hety emacyjny momant mocna kantrastavaŭ z žyćciaradasnym tonam astatniaj častcy cyrymonii.

«Ja prosta chaču skarystacca momantam i ŭspomnić čałavieka, jaki byŭ nam vielmi, vielmi darahi, — skazała jana, ledź strymlivajučy ślozy. — My stracili jaho niadaŭna, i jon byŭ vialikaj častkaj śvietu MTV, majho śvietu i, ja dumaju, śvietu mnohich z vas».

Siarod inšych pieramožcaŭ premii — śpiavački Raye, Sabryna Karpenter, Tyla, muzyka Kielvin Charys, repier Eminiem i inšyja.

Uznaharodu jak «Najlepšy rok-muzyka» atrymaŭ Liam Hałachier, hłabalnaj ikonaj pryznali repiera Basta Rajmsa, a elektronny duet Pet Shop Boys nazvali pop-pijanierami. Jany i zakryvali cyrymoniju.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Stała viadoma, jak zatrymali byłoha kalinoŭca Maksima Ralko2

Stała viadoma, jak zatrymali byłoha kalinoŭca Maksima Ralko

Usie naviny →
Usie naviny

Na vyjezd ź Biełarusi sabralisia vialikija čerhi z hruzavikoŭ

U novym suśvietnym rejtynhu pašpartoŭ pieramahła Irłandyja, a Biełaruś na 125-m miescy4

Tamara Ejdelman vypuściła novuju lekcyju pa historyi Biełarusi26

Sacyjołah pra anłajn-ankietu ad Turčyna: Ničym nie adroźnivajecca ad apytańnia na sajcie «Našaj Nivy»10

U Minsku adkryłasia kaviarnia z sapraŭdnym fantanam u centry zały7

Kavali: Ja nie čakaŭ, što Ukraina tak padarvie vajenny patencyjał Rasii10

«Araby mohuć być u šoku, ale trend jość trend»: biełarusam prapanoŭvajuć dubajskija bułki da Vialikadnia25

Hiermanija ŭ adkaz na pošliny Trampa moža zapatrabavać viarnuć 1200 ton zołata7

Zialenski pra reakcyju ZŠA na ŭdar pa Kryvym Rohu: Taki mocny narod — i takaja słabaja reakcyja28

bolš čytanych navin
bolš łajkanych navin

Stała viadoma, jak zatrymali byłoha kalinoŭca Maksima Ralko2

Stała viadoma, jak zatrymali byłoha kalinoŭca Maksima Ralko

Hałoŭnaje
Usie naviny →

Zaŭvaha:

 

 

 

 

Zakryć Paviedamić