Mody66

Biełaruski aburajucca advent-kalendarom ad Luxvisage — i nie tolki z-za cany

Biełaruski brend kaśmietyki Luxvisage vypuściŭ svoj advent-kalandar. Nabyć taki pakul možna tolki praz rasijski markiet-płejs. Padarunki i ŭ im paasobku kaštujuć u dva razy tańniej, čym sam nabor. Ale ŭ biełarusak i inšyja pytańni da brendu.

Advent-kalandar Luxvisage. Tut i dalej skrynšoty Wildberries

Pa-pieršaje, dziŭna, što taki nabor biełaruskaj kaśmietyki nielha nabyć u Biełarusi. Na aficyjnaj staroncy brendu ŭ instahramie rajać zamaŭlać advent-kalandar na rasijskim markiet-płejsie Wildberries.

Pa-druhoje, ahlady na advient-kalandar Luxvisage pačali rabić rasijskija błohierki. Vyhladaje tak, byccam brend dasłaŭ navinku mienavita im, praihnaravaŭšy biełaruskich.

Uźnikajuć pytańni i nakont taho, u jaki ž dzień pačynać raspakoŭku advent-kalendara. Bo zvyčajna ŭ Jeŭropie ź jaho dapamohaj čakajuć Kalady (tamu akiencaŭ ź minijaciurnymi padarunkami 24 ci 25). Apošnim časam źjavilisia varyjanty i dla nierelihijnych ludziej — na 30 ci 31 akienca, kab čakać Novy hod.

Ale ŭ advient-kalendary Luxvisage usiaho 12 akiencaŭ. U kamientaryjach sumna žartujuć, što, mabyć, pačynać raspakoŭku treba za 12 dzion da nastupnaj zarpłaty, kab viesialej było čakać dnia, kali narešcie znoŭ dazvoliš sabie nabyć ježy paśla darahoha padarunka.

Nu i hałoŭnaje pytańnie datyčycca koštu. Za 12 tannych biełaruskich praduktaŭ prapanujuć zapłacić 257 rubloŭ.

Hałoŭny pryncyp advent-kalendaroŭ ad jeŭrapiejskich brendaŭ kaśmietyki zaklučajecca ŭ tym, što pakupnik atrymlivaje praduktaŭ na bolšuju sumu, čym zapłaciŭ. Naprykład, addaŭ 100 jeŭra, a atrymaŭ bjuci-srodkaŭ na 200. Kaniešnie, tam jość svaje chitraści. Naprykład, časta kładuć pradukty, jakija zvyčajna nie karystajucca vialikaj papularnaściu (pamadu nie samaha chadavoha adcieńnia ci jašče niešta takoje). Ale z bolšaha ludzi zastajucca zadavolenymi.

U Luxvisage atrymlivajecca, što nabyć padarunki asobna budzie ŭ dva razy tańniej, čym kali zamoviš advent-kalandar całkam. My padličyli košt usich praduktaŭ u advencie Luxvisage, karystajučysia tym samym Wildberries — atrymałasia kala 128 rubloŭ. 

U instahramie Luxvisage šmat aburanych biełarusak, jakija taksama nie palenavalisia samastojna padličyć ahulny košt padarunkaŭ. Žančyny pytajucca, čym možna heta rastłumačyć. Najbolš papularny varyjant: «Mabyć, kardon taki darahi». Pradstaŭniki brendu niehatyŭ pakul ihnarujuć.

Sioleta Luxvisage aktyŭna zamaŭlaŭ rekłamu svajoj kaśmietyki ŭ topavych rasijskich błohierak. Navat Ksienija Sabčak pryznavałasia ŭ lubovi da tušy dla viejek Luxvisage XXL i hielu dla brovaŭ taho ž brendu.

Tady padpisčyc ź Biełarusi najbolš chvalavaŭ toj fakt, dzie supierbiudžetny biełaruski brend znajšoŭ hrošy na rekłamu ŭ Sabčak. Chtości vykazaŭ zdahadku, što markietołaham Luxvisage pryjšłosia pradać dušu djabłu. A adna dziaŭčyna pažartavała: «Usioj Biełaruśsiu skidalisia vam na rekłamu». Mabyć, u tym žarcie była častka praŭdy.

Kamientary6

  • Aŭdytar Aksionaŭ
    13.11.2024
    Nia treba hladzieć u čužuju kišeniu! Chočuć i chaj płaciać stolki - sa svaich sumlenna zaroblenych.
    Čamu kiraŭnicy vybarčaha štabu Cichanoŭskaj možna Tesłu kuplać, Viačorku nasić hadzińnik za tysiačy dalaraŭ, Krasulinaj navučać dziaciej u Bierlinie nieviadoma za jakija hrošy, Cichanoŭskaj žyć nieviadoma za kolki i adkul atrymanaje, a prostym ludziam nielha kupić toje, što jany chočuć, za svaje?
  • Lol
    13.11.2024
    Tam u nich avtozak na kalendarie?)))
  • Niefanatka
    13.11.2024
    Nu kak vy nie poniali, čieho ždať s takim advientom? Koniečno, konciert "Ivanušiek" - a potom razmalavacca i v boj))))
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Daradca Trampa pa nacbiaśpiecy vypadkova dadaŭ žurnalista ŭ sakretny čat u Signal. Raskrytyja miechanizmy pryniaćcia rašeńniaŭ9

Daradca Trampa pa nacbiaśpiecy vypadkova dadaŭ žurnalista ŭ sakretny čat u Signal. Raskrytyja miechanizmy pryniaćcia rašeńniaŭ

Usie naviny →
Usie naviny

U Biełharadskaj vobłaści źniščanyja 4 rasijskija viertaloty — Siły śpiecyjalnych apieracyj Ukrainy2

Šałupińnie ad čyrvonaj cybuli stała abaronnym słojem dla soniečnych batarej2

Biełarus žyŭcom zhareŭ u hruzaviku ŭ Maskvie

Na polskaj miažy na vyjezd ź Biełarusi staić bolš za 1000 aŭtamabilaŭ

Heta ciapier adna z topavych kuciurje ŭ śviecie. Jaje sukienki zavarožvajuć7

Julija Čarniaŭskaja: Inšy raz jany prosta takimi naradžajucca16

Kiraŭnik Mahiloŭščyny sabraŭsia budavać u siabie ŭ rehijonie toje, nazvy čaho jon nie viedaje16

Paśla vystupleńnia Łuhanskaha teatra ŭ Minsku adna z hladačak vyhuknuła «Słava Ukrainie!»10

USU ŭziali pad kantrol viosku ŭ Biełharodskaj vobłaści Rasii 9

bolš čytanych navin
bolš łajkanych navin

Daradca Trampa pa nacbiaśpiecy vypadkova dadaŭ žurnalista ŭ sakretny čat u Signal. Raskrytyja miechanizmy pryniaćcia rašeńniaŭ9

Daradca Trampa pa nacbiaśpiecy vypadkova dadaŭ žurnalista ŭ sakretny čat u Signal. Raskrytyja miechanizmy pryniaćcia rašeńniaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić