Da Kaladaŭ: 25 advient-kalendaroŭ na luby hust i biudžet
Kalady i Novy hod jašče nie blizka, ale ludzi ŭžo rychtujucca da ich. Naprykład, z dapamohaj advient-kalendaroŭ — naboraŭ z 24 prysmakaŭ abo cikavostak, raźličanych na čas ad 1 da 24 śniežnia, kab čakać śviaty było viesialej. «Naša Niva» pahladzieła, što za advient-kalendary jość u prodažy. Usie ceny dziejnyja na momant napisańnia artykuła.
![](http://nashaniva.com/img/w840d4webp1/photos/stock/christmas_children-btaap.jpg.webp)
Kalendary ad biełaruskich majstroŭ
Pačniem z advientaŭ, zroblenych biełarusami, pa-biełarusku i dla biełarusaŭ. Usiaho za 14 rubloŭ možna zamović kalandar «Biełaruś čakaje Rastvo» — tak, jon biez načyńnia, ale zatoje z admysłovymi zadańniami ŭ kožnym vakiency, jakija dapamohuć padrychtavacca da śviata Rastva i ŭśviadomić jaho hłyboki sens.
![](http://nashaniva.com/img/w732d4webp1/photos/z_2023_11/photo_2023-11-13123741-5fem8.jpeg.webp)
A za 82 rubli možna atrymać utulny kalandar «Zimovyja śviatki» z vakiencami, kudy možna pakłaści prysmaki, kaśmietyku, cacki — usio, na što chopić fantazii! Kali chočacca smačnieńkaha — tut pradajuć piernikavy advient-kalandar (košt udakładniajcie ŭ kandytarki).
![](http://nashaniva.com/img/w732d4webp1/photos/z_2023_11/photo_2023-11-13123739-akfo6.jpeg.webp)
![](http://nashaniva.com/img/w732d4webp1/photos/z_2023_11/screenshot2023-11-13at123209-ry87y.png.webp)
Cukierki, šakaładki i što duša zachoča
Ciapier čas kłasičnych advient-kalendaroŭ — z sałodkaj načynkaj. Tut vybar bahaty: my pakažam vam niekatoryja jarkija varyjanty, ale možna abrać i niešta bolš biudžetnaje.
![](http://nashaniva.com/img/w732d4webp1/photos/z_2023_11/screenshot2023-11-13at131950-78ufq.png.webp)
Advient z cukierkami i vaflami ad Kinder kaštuje 64,49 rubla, stylovy niamiecki kalandar ź piernikami i cukierkami abydziecca ŭ 64,62 rubla. Šykoŭnyja kalendary sa smačnaj pradukcyjaj ad Lindt kaštujuć, u zaležnaści ad pamieru, 198,84 ci ažno 356,83 rubla, ale i vyhlad u ich pavažny.
![](http://nashaniva.com/img/w732d4webp1/photos/z_2023_11/screenshot2023-11-13at132011-s37vo.png.webp)
![](http://nashaniva.com/img/w732d4webp1/photos/z_2023_11/screenshot2023-11-13at131926-tzgln.png.webp)
Kali ž chočacca bolš biudžetny nabor, źviarnicie ŭvahu na hety advient ad Milka — jaho vy atrymajecie za 31,16 rubla. Ci zamoŭcie taki naborčyk z šakaładnymi fihurkami za 80,70 rubla, stvorany, pavodle etykietki, u Ispanii.
![](http://nashaniva.com/img/w732d4webp1/photos/z_2023_11/screenshot2023-11-13at131909-k4850.png.webp)
![](http://nashaniva.com/img/w732d4webp1/photos/z_2023_11/screenshot2023-11-13at131822-gncy4.png.webp)
Usio dla dziaciej
Kłasičnaja viersija advient-kalendara — nabor ź dziciačymi padarunkami. Šukajecie takoje? Pryhledźciesia da varyjantaŭ ad Lego — naprykład, voś taki kalandar kaštuje 194,57 rubloŭ. Źviarnicie ŭvahu i na hety šykoŭny nabor u styli stužki «Nazad u budučyniu», jaki prapanujuć za 209,90 rubla.
![](http://nashaniva.com/img/w732d4webp1/photos/z_2023_11/photo_2023-11-13140714-jar95.jpeg.webp)
![](http://nashaniva.com/img/w732d4webp1/photos/z_2023_11/screenshot2023-11-13at135701-1lk52.png.webp)
Možna vybrać bolš biudžetny i raźvivalny advient ad Genio kids za 46,24 rubla: tut jość dva vidy płastylinu, cacka-antystres i akryłavaja farba, kab azdobić vaš vyrab.
![](http://nashaniva.com/img/w732d4webp1/photos/z_2023_11/screenshot2023-11-13at134648-6xhb8.png.webp)
Starejšym dzietkam moža spadabacca kalandar z chimičnymi ekśpierymientami za 39,39 rubla. Voś dziavočy advient z kaśmietykaj i bižuteryjaj za 89,95 rubla, a voś cikavostka dla padletkaŭ — kalandar u styli «Dziŭniejšych rečaŭ» za 123,74 rubla.
![](http://nashaniva.com/img/w732d4webp1/photos/z_2023_11/screenshot2023-11-13at135110-rycmi.png.webp)
![](http://nashaniva.com/img/w732d4webp1/photos/z_2023_11/screenshot2023-11-13at140507-vthf7.png.webp)
![](http://nashaniva.com/img/w732d4webp1/photos/z_2023_11/screenshot2023-11-13at140532-v6yop.png.webp)
Robim pačastunak sami
Pasprabujcie niestandartny farmat — kulinarnyja advienty. Tut i tut možna nabyć zborniki receptaŭ, jakich chopić na śniežań ci chacia b da Kalad.
![](http://nashaniva.com/img/w732d4webp1/photos/z_2023_11/screenshot2023-11-13at114324-dlu81.png.webp)
U pieršym vypadku za 23,54 rubla vam dastaniecca kniha z frahmientami 30 kazak i receptami da ich, a ŭ druhim — 24 recepty z suśvietu Hary Potera za 27,15 rubla. Abiacajuć kaladny piroh z sadaviny ad misis Uiźli, haračy šakaład sa smakam viarškovaha piva, miadova-imbirnaje piačeńnie ad Ščaŭkunka i šmat inšaha — niam-niam!
![](http://nashaniva.com/img/w732d4webp1/photos/z_2023_11/screenshot2023-11-13at114358-7pnzd.png.webp)
I sami padbirajem padarunki
Časam chočacca nie nabyvać firmovy kalandar sa źmieścivam, jakoje prydumali za vas, a padrychtavać śviatočnyja siurpryzy samastojna. Dla hetaj mety možna skarystacca adpaviednymi advientami, jakija taksama jość u prodažy.
![](http://nashaniva.com/img/w732d4webp1/photos/z_2023_11/screenshot2023-11-13at120805-bdc7h.png.webp)
Naprykład, za 57,88 rubla pradajuć psieŭdapiernikavuju chatku, i ŭ jaje akiency možna pakłaści cukierki, suchija frukty abo lubyja inšyja prysmaki. Jość daražejšyja varyjanty: taki advient u vyhladzie łondanskaj telefonnaj budki kaštuje 290 rubloŭ.
![](http://nashaniva.com/img/w732d4webp1/photos/z_2023_11/screenshot2023-11-13at120847-tz4ns.png.webp)
A možna zrabić padrychtoŭku advient-kalendara i jaho zapaŭnieńnie siamiejnaj spravaj na viečary. Dla hetaha padydzie, naprykład, voś taki zborny draŭlany dom-advient za 60,84 rubloŭ.
![](http://nashaniva.com/img/w732d4webp1/photos/z_2023_11/photo_2023-11-13121037-o169j.jpeg.webp)
Pieścim darosłych
U kalendarach z akiencami chavajuć nie tolki cacki i cukierki, ale i kaśmietyku. Praŭda, kali vy zachočacie nabyć taki padarunak, dziciačymi sumami sprava nie abydziecca.
Možna nabyć kalandar z kaśmietykaj roznaha typu – i dohladavaj, i dekaratyŭnaj, i sa srodkami dla duša ci vanny. Takija nabory jość, naprykład, u Sephora (472,56 rubla) ci Yves Rocher (297 rubla). Tyja, kamu daspadoby dobryja pachi, mohuć abrać kalandar z parfumaj za 134,68 rubla.
![](http://nashaniva.com/img/w732d4webp1/photos/z_2023_11/screenshot2023-11-13at152545-ze92i.png.webp)
![](http://nashaniva.com/img/w732d4webp1/photos/z_2023_11/screenshot2023-11-13at151641-3zhgw.png.webp)
![](http://nashaniva.com/img/w732d4webp1/photos/z_2023_11/screenshot2023-11-13at151800-8sznp.png.webp)
Chočacie jašče dekaratyŭnaj kaśmietyki? Voś adpaviedny nabor ad Limoni za 313,17 rubla:
![](http://nashaniva.com/img/w732d4webp1/photos/z_2023_11/screenshot2023-11-17at114620-cq615.png.webp)
Kali cikavić dohlad niemaładoj skury, trymajcie ampulny advient-kalandar ad Inspira Cosmetics za 391,44 rubla: ampuły z vysokaaktyŭnymi srodkami napaŭniajuć takuju skuru karysnymi rečyvami. Anałahičny kalandar prapanuje brend Babor za 345,41 rubla.
![](http://nashaniva.com/img/w732d4webp1/photos/z_2023_11/screenshot2023-11-13at150726-3xqot.png.webp)
![](http://nashaniva.com/img/w732d4webp1/photos/z_2023_11/screenshot2023-11-13at150941-7ialu.png.webp)
«Naša Niva» — bastyjon biełaruščyny
PADTRYMAĆ3+4+2. Biełarusy buduć adpačyvać na Kalady i Novy hod dzieviać dzion
Kamientary