Pratestoŭcy ŭ Abchazii zapatrabavali adstaŭki prezidenta. Toj admoviŭsia
Pratesty ŭ Suchumie (Abchazija) pačalisia suprać rasijska-abchazskaha inviestycyjnaha pahadnieńnia. Ludzi zakidali palicyju butelkami i jajkami i prarvalisia da parłamienta.
Paśla taho, jak pratestoŭcy ŭvarvalisia ŭ parłamient, pačalisia pieramovy ŭładaŭ i apazicyi. Prezident samaabvieščanaj respubliki Asłan Bžanija znachodziŭsia ŭ Suchumi, ale ŭ toj čas, kali ludzi zaniali budynak, u jaho pracoŭnym kabiniecie było pusta.
Abjadnanaja apazicyja i hramadskija arhanizacyi stvaryli Kaardynacyjnuju radu pa vychadzie z palityčnaha kryzisu, paviedamlaje miascovaje vydańnie «Respublika».
Narod nie razychodzicca, z usioj Abchazii ludzi prybyvajuć da kompleksu ŭradavych budynkaŭ, jakija zaniali pratestoŭcy.
Pratestoŭcy patrabujuć aficyjnaj adstaŭki Asłana Bžanija. Apazicyja prapanuje, kab na čas da nastupnych vybaraŭ abaviazki prezidenta vykonvaŭ śpikier Parłamienta Łaša Ašuba abo kampramisnaja fihura, jakaja zadavolić i Bžaniju.
Sam Bžanija abviaściŭ, što nie źbirajecca sychodzić u adstaŭku.
«Padziei siońniašniaha dnia ŭ čarhovy raz pastavili našu respubliku pierad vialikimi prablemami. Kiraŭnictva Abchazii: prezident Abchazii, vice-prezident Abchazii, premjer-ministr, členy ŭrada znachodziacca na miescach u Abchazii i buduć znachodzicca na miescach i buduć pracavać dalej. Prasiŭ by vas na pravakacyi nie paddavacca, ja tut, u Abchazii, i budziem pracavać dalej. My budziem prykładać namahańni pa likvidacyi nastupstvaŭ hetych padziej. Dziakuju za padtrymku i za słužbu ŭsich hramadzianskich i ŭsich ludziej u pahonach», — pryvodzić jaho słovy «Echa Kaŭkaza».
Adnak na fonie pratestaŭ administracyja prezidenta rychtuje dakumient ab adklikańni z parłamienta inviestycyjnaha pahadnieńnia z Rasijaj, kab supakoić abstanoŭku.
Ciapier čytajuć
«Da akcyi dałučylisia tolki marhinały». Što pisaŭ u čatach paśla svajho vykryćcia kadebešnik, adkazny za biełaruskuju emihracyju1
Kamientary
Dobraj dapamohi ad impieryj nie byvaje, buduć prymušać płacić svajoj ziamloj, paśla ŭvohule svaim isnavańniem.