Storm Shadow siońnia mahli ŭdaryć pa histaryčnaj siadzibie na Kurščynie, dzie raźmiaščaŭsia rasijski kamandny punkt
Ukrainskaje vajskovaje vydańnie Defense Express vykazała zdahadku, što USU siońnia ŭdaryli rakietami Storm Shadow pa histaryčnaj siadzibie kniazioŭ Baracinskich u Kurskaj vobłaści. Jak miarkujecca, u hetaj siadzibie moh raźmiaščacca kamandny punkt rasijskich vojskaŭ.
Defense Express spasyłajecca na videa z hukami ŭdaru, jakoje źjaviłasia ŭ sacsietkach. I adznačaje, što hetych kadrach čuvać kala 15 vybuchaŭ (častka ź ich moža być pracaj SPA), a źniatyja jany pobač ź siadzibaj XIX stahodździa kniazioŭ Baracinskich u pasiołku Marjina Kurskaj vobłaści. Ciapier hetaja siadziba — sanatoryj kiraŭnictva spraŭ prezidenta Rasii.
Vydańnie miarkuje, što tam moh raźmiaščacca zahłybleny kamandny punkt, jakim mahli karystacca kamandavańnie hrupoŭkaj rasijskich vojskaŭ u Kurskaj vobłaści i paŭnočnakarejskija hienierały.
«Jak minimum mienavita takaja katehoryja asob i taki abjekt całkam vartyja vydatkoŭvańnia davoli značnaj kolkaści kryłatych rakiet Storm Shadow / SCALP. Ich 450-kiłahramovaja bajavaja častka śpiecyjalna stvoranaja dla paražeńnia abaronienych abjektaŭ», — piša Defense Express, dadajučy, što «pakul cel udaru zastajecca tolki aściarožnaj zdahadkaj».
USU ŭpieršyniu ŭdaryli pa Rasii brytanskimi rakietami Storm Shadow
Krynica ŭ Pientahonie raskazała pra vyniki ŭkrainskaj ataki ATACMS pa Branskaj vobłaści
Zialenski: Ciapier u nas jość ATACMS. My ŭsio heta budziem vykarystoŭvać
«Heta kardynalna mianiaje ŭvieś raskład u viadzieńni bajavych dziejańniaŭ». Što Z-błohiery dumajuć pra ŭdary ATACMS pa Rasii?
Jak za biełaruskimi apazicyjanierami špijoniła madel Onlifans22
Kamientary
Jem hryby, a jany hladziać
Majem, što majem, nie pieraličyć
Śvinka Pepa ŭžo škvarčyć
Bieła-čyrvonaja, biełaja kroŭ
Pieršy pajšoŭ! Pieršy pajšoŭ!