Na hałoŭnaj jełcy Bresta zamiest Viflejemskaj zorki pastavili «vajennuju». I heta ŭžo nie pieršy raz
Na płoščy Lenina ŭ Breście ŭžo pastavili hałoŭnuju haradskuju jełku. Letaś Brest byŭ adzinym abłasnym centram Biełarusi, dzie zamiest Kaladnaj (Viflejemskaj) zorki na hałoŭnaj śviatočnaj jełcy była piacikancovaja čyrvonaja. Ad hetaj tradycyi nie admovilisia i sioleta, piša Katolik.life.
Piacikancovaja zorka zvyčajna nazyvajecca «marsavaj» pa imieni staražytnarymskaha boha vajny Marsa, tamu vykarystoŭvajecca ŭ armiejskaj i dziaržaŭnaj simvolicy mnohich krain.
Upieršyniu ciapierašniaj «zorkaj vajny» hałoŭnuju jełku Bresta ŭviančali napiaredadni 2022 hoda. Tady tut ustalavali novuju štučnuju kanstrukcyju, jakuju z tych časoŭ vykarystoŭvajuć štohod.
Pieršaja haradskaja śviatočnaja jełka źjaviłasia ŭžo sioleta i ŭ Homieli kala vakzała. Jana taksama ź piacikancovaj zorkaj, ale možna spadziavacca, što na hałoŭnaj jełcy, jak i ŭ papiarednija hady, budzie Kaladnaja zorka.
Kamientary