Amierykanskija stełs-bambaviki nanieśli ŭdary pa pazicyjach chusitaŭ u Jemienie
U kancy minułaha tydnia amierykanskaja avijacyja naniesła ŭdar pa abjektach jemienskich paŭstancaŭ-chusitaŭ. Pra heta havorycca ŭ pres-relizie kamandavańnia hłabalnych udaraŭ VPS ZŠA, apublikavanym 22 listapada.
Jak paviedamiła kamandavańnie, pad udar trapili piać umacavanych padziemnych schoviščaŭ u rajonach Jemiena, jakija znachodziacca pad kantrolem chusitaŭ.
Udar byŭ naniesieny samalotami B-2 Spirit, jakija vylecieli z avijabazy ŭ Uajtmienie, štat Misury. Stvoranyja ŭ kancy 1980-ch, hetyja bambaviki vykarystoŭvajuć technałohiju «stełs»: kanstrukcyja hetych bajavych mašyn dazvalaje atrymać vielmi słaboje adbićcio radyjołakacyjnych chvalaŭ i, jak nastupstva, zastavacca niezaŭvažnymi dla praciŭnika.
U kastryčniku kiraŭnik Pientahona Łojd Ościn nahadaŭ, što ŭdary ZŠA nakiravanyja na toje, kab «asłabić mahčymaści chusitaŭ praciahvać svaje destabilizujučyja pavodziny», i papiaredziŭ, što ZŠA biez vahańniaŭ buduć prymać miery pa abaronie svajho piersanału i strymlivańni napadaŭ suprać cyvilnych asob i rehijanalnych partnioraŭ.
Restaŭracyi ŭ Biełarusi zastałosia na try dni. Hałoŭnamu pradpryjemstvu krainy faktyčna padpisali śmiarotny prysud2
Kamientary