Skandał u karaleŭskaj siamji Narviehii: syna pryncesy abvinavačvajuć u seksualnym hvałcie
Maryus Borh Chiojbi znachodzicca pad vartaju ŭžo tydzień. Za hety čas u spravie źjaviłasia bolš detalaŭ. Raskazvajem, što viadoma.
Ciapierašni karol Narviehii — 87-hadovy Charald V. Uśled za im uznačalić krainu pavinien jaho 51-hadovy syn, kronprync Chokan. A voś u žonki Chokana, naślednaj pryncesy Narviehii Miete-Maryt, jość syn ad pieršaha šlubu. Pra jaho, 27-hadovaha Maryusa Borha Chiojbi, i idzie havorka. Jon nie moža ŭznačalić krainu, ale tym nie mienš datyčny da karaleŭskaj siamji. Skandał, u jaki jon ulapaŭsia, abmiarkoŭvaje ŭsia Narviehija. Zrešty, usia bijahrafija Maryusa Borha — znachodka dla skandynaŭskich tabłoidaŭ.
Maci naradziła jaho ŭ studzieni 1997 hoda, kali pracavała aficyjantkaj u Osła. Na momant źjaŭleńnia chłopčyka na śviet jaho bijałahičny baćka adbyvaŭ turemny termin za złačynstvy, źviazanyja z narkotykami i hvałtam.
Paśla naradžeńnia syna Miete-Maryt viarnułasia ŭ svoj rodny horad, dzie vychoŭvała chłopčyka ź inšym partnioram, pakul u 1999 hodzie nie paznajomiłasia z naślednym pryncam Chokanam i praź niekalki hadoŭ nie vyjšła za jaho zamuž.
U adroźnieńnie ad svajoj maci, jakaja maje status naślednaj pryncesy, Maryus nie maje nijakich aficyjnych tytułaŭ, pra jaho niama infarmacyi na aficyjnym sajcie narviežskaj karaleŭskaj siamji, jakaja zaŭždy padkreślivała, što pasynak kronprynca nie budzie vykonvać nijakich publičnych abaviazkaŭ. Praŭda, čas ad času chłopčyk prymaŭ udzieł u siamiejnych mierapryjemstvach.
Paśla zakančeńnia siaredniaj škoły Maryus pačaŭ vyvučać ekanomiku ŭ Łos-Anželesie, ale ŭžo praź niekalki miesiacaŭ kinuŭ vučobu i viarnuŭsia ŭ Narviehiju, dzie zasłužyŭ reputacyju śpieščanaha i svavolnaha čałavieka.
Adna z upłyvovych haziet Narviehii Dagbladet apisvaje koła znosin Chiojbi jak «bahatych spadčyńnikaŭ, znakamitaściaŭ i influjensieraŭ», a taksama ludziej, jakija byli asudžanyja za handal narkotykami i surjoznyja złačynstvy.
Chiojbi nie adnojčy traplaŭ u roznyja skandały. Tak, u 15-hadovym uzroście jon vykłaŭ u svaich sacyjalnych sietkach zdymki, jakija dazvalali vyznačyć miescaznachodžańnie karaleŭskaj siamji. U 2017 hodzie Chiojbi byŭ asudžany za zachoŭvańnie narkotykaŭ. Pry zatrymańni chłopiec śćviardžaŭ, što pražyvaje ŭ karaleŭskim pałacy, što nie źjaŭlałasia praŭdaj.
U žniŭni hetaha hoda małady čałaviek byŭ zatrymany pa abvinavačańni ŭ naniasieńni cialesnych paškodžańniaŭ i pryčynieńni materyjalnaj škody. Paciarpiełaj była jaho dziaŭčyna, jakuju dastavili ŭ balnicu z strasieńniem mozhu. Palicyja, jakaja pryjechała pa vykliku, ubačyła razhromlenuju kvateru, u adnym z pakojaŭ jakoj ź ściany tyrčaŭ nož.
Tady chłopiec pravioŭ pad aryštam 30 hadzin, a paźniej vystupiŭ z publičnaju zajavaj, u jakoj pryznaŭsia ŭ hvałcie nad dziaŭčynaj u stanie ałkaholnaha i narkatyčnaha apjanieńnia.
18 listapada 2024 hoda Maryusa znoŭ zatrymali. U jaho domie praviali pieratrus. Jak paviedamlaje palicyja, razam z Chiojbi ŭ mašynie znachodziłasia taja samaja dziaŭčyna, jakuju jon pabiŭ u žniŭni. Pryčym sud zabaraniŭ jamu ź joj bačycca na praciahu paŭhoda. U vieraśni mužčynu ŭžo aryštoŭvali za parušeńnie hetaj sudovaj zabarony. Tady jon sprabavaŭ źviazacca ź joj pa telefonie.
Paviedamlajecca, što na hety raz palicyja rasśleduje vypadki hvałtu ŭ adnosinach dźviuch byłych dziaŭčyn Maryusa i seksualnaha hvałtu ŭ adnosinach dźviuch inšych žančyn, a taksama pahrozy zabojstva, dzie paciarpiełym vystupaje mužčyna.
Nakont vypadkaŭ seksualnaha hvałtu palicyja maje videadokazy, jakija znajšli ŭ telefonie maładoha čałavieka. Viadoma, što adzin z vypadkaŭ adbyŭsia ŭ sakaviku hetaha hoda ŭ Osła. Achviaraj stała 20-hadovaja dziaŭčyna, jakaja nie viedała Chiojbi da taho, jak sustreła jaho ŭ dzień, kali jon ździejśniŭ hvałt u adnosinach jaje.
Druhi vypadak adbyŭsia ŭ vieraśni ŭ domie Maryusa. Pra achviaru ničoha nie paviedamlajecca.
U abodvuch vypadkach havorka idzie ab «seksualnych dziejańniach u adnosinach žančyny, jakaja była nie ŭ stanie akazać supraciŭ».
Zakanadaŭstva Narviehii za takija dziejańni praduhledžvaje turemnaje źniavoleńnia na termin da 10 hadoŭ. Sudovyja pasiadžeńni pa hetych dźviuch spravach zakrytyja dla presy.
Kamientary
Jość roznyja mierkavańni ab tym, ci možna ličyć heta hvałtam.
Havorka ŭ sutnaści ab tym, što dziaŭčyna nadziubałasia harełki ci čaho inšaha da ledź prytomnaha stanu.
I nie ŭ stanie nie tolki akazać supraciŭ, a navat vykazać pratest, ci navat adčuć niezadavolennaść.
Naturalna, taki ž paŭprytomny chachal razumieje heta jak zaprašeńnie.
A jość mierkavańnie što tym, chto tak prysabiečvaje majomaść treba łamać ručki, a tym chto tak karystajecca dziaŭčatami - łamać pisiunčyki.
Ja praŭda ź historyi viedaju što lepš usio ž sadzić u turmy. Tam mnoha pryčyn, sudovyja pamyłki ŭ tym liku. A škada. Nienavidžu i adnych i druhich.