U 2025/2026 navučalnym hodzie ŭ BDU pačniecca nabor na dźvie novyja śpiecyjalnaści — «Intelektualnaja elektronika» i «Mižnarodnaja ekanomika i handal (z pahłyblenym vyvučeńniem kitajskaj movy)», paviedamlajecca na sajcie ŭniviersiteta.
Abiedźvie śpiecyjalnaści prezientujuć jak aktualnyja dla biełaruskaj ekanomiki. Nabor na ich płanujecca na biudžetnuju i płatnuju formy navučańnia. Taksama razhladajecca mahčymaść metavaha naboru, dla jakoha praduhledžany asobny ŭnutrany ekzamien.
Na «Mižnarodnaj ekanomicy i handli (z pahłyblenym vyvučeńniem kitajskaj movy)» studenty buduć vučycca piać hadoŭ. Vypuskacca jany buduć sa stupieńniu mahistra i kvalifikacyjaj «Ekanamist. Kitajaznaŭca-pierakładčyk». Studentam buduć vykładać dyscypliny uschodaznaŭčaha błoka, jany zasvojać prafiesijnuju leksiku i śpiecyfiku dziełavoj pierapiski, navyki składańnia biznes-dakumientaŭ, piśmovaha i vusnaha pierakładu. Taksama jany vyvučać pryncypy mižnarodnaha i nacyjanalnaha rehulavańnia sučasnaj ekanomiki, značeńnie asobnych rehijonaŭ, krain i kampanij u farmavańni tendencyj suśvietnaha handlu, rolu nacyjanalnych intaresaŭ u hieapalityčnaj abstanoŭcy i inš.
U studentaŭ budzie mahčymaść prajści vytvorčuju praktyku na kitajskich i biełaruska-kitajskich pradpryjemstvach, stažyroŭku ŭ Kitai.
Pa śpiecyjalnaści «Intelektualnaja elektronika « praduhledžanaja čatyrochhadovaja navučalnaja prahrama. Jana ŭklučaje dyscypliny pa mietadach mašynnaha navučańnia, ličbavych vymiaralnych sistemach, asnovach asobnych raździełaŭ matematyki i fiziki, siarod jakich radyjoelektronika, miechanika, optyka i termadynamika, movach prahramavańnia, intelektualnym analizie danych, kamputarnym zroku, asnovam kibierbiaśpieki i inš. Vypusknikam prysvojać kvalifikacyju «Radyjofizik. Inžynier-prahramist».
Bondarava abrynułasia na muziej Janki Kupały i mastaka Sušu14
Kamientary