Milinkieviča vyłučyli na premiju Sacharava
Delehacyja Eŭraparlamentu pa dačynieńniach ź Biełaruśsiu padtrymała vyłučeńnie lidera abjadnanych demakratyčnych sił Alaksandra Milinkieviča na atrymańnie premii imia Andreja Sacharava «Za svabodu dumki» Pieršym laŭreatam premii byŭ Nelsan Mandeła
Delehacyja Eŭraparlamentu pa dačynieńniach ź Biełaruśsiu padtrymała vyłučeńnie lidera abjadnanych demakratyčnych sił Alaksandra Milinkieviča na atrymańnie premii imia Andreja Sacharava «Za svabodu dumki»
«Ciaham apošnich prezydenckich vybaraŭ u Biełarusi, pryznanych mižnarodnaj supolnaściu niesvabodnymi i niespraviadlivymi, Alaksandar Milinkievič mieŭ advahu asabista kinuć vyklik Alaksandru Łukašenku — apošniamu dyktataru Eŭropy» – havorycca ŭ aficyjnym pres-relizie, raspaŭsiudžanym z nahody vyłučeńnia.
Delehacyja pa dačynieńniach ź Biełaruśsiu ličyć, što Alaksandar Milinkievič zasłuhoŭvaje prava być laŭreatam premii imia Andreja Sacharava. «Alaksandar Milinkievič zdoleŭ padčas prezydenckaj kampanii abjadnać siły apazycyi i vykazaŭ žadańnie bolšaj častki biełaruskaha hramadztva adnavić demakratyčnyja pravy i palityčnyja svabody ŭ Biełarusi. Akramia taho, jon pravioŭ masavyja akcyi pratestu suprać niedemakratyčnaj pryrody vybaraŭ i byŭ zatrymany ŭładami, za toje, što daŭ mahčymaść ludziam pavieryć va ŭłasnuju moc i abaraniać ich fundamentalnaje prava na svabodu vykazvańniaŭ i schodaŭ».
Vyłučajučy Alaksandra Milinkieviča na atrymańnie premii imia A. Sacharava, Eŭraźviaz paćviardžaje svaju pazycyju ŭ dačynieńni da acenki sytuacyi ŭ Biełarusi.
«Dadzienaje rašeńnie Eŭraparlamientu dało b mocny syhnał biełarusam, što Eŭraźviaz zastajecca całkam addanym perspektyvam svabody i demakratyi ŭ tym liku i ŭ Biełarusi i, što my nie dapuskajem parušeńnia pravoŭ čałavieka i demakratyčnych kaštoŭnaściaŭ».
Sacharaŭskaja premija ŭručajecca štohod pačynajučy z 1988 h. za dasiahnieńni ŭ spravie zmahańnia za pravy i asnoŭnyja svabody čałavieka, za abaronu pravoŭ mienšaściaŭ, pavahu da mižnarodnaha prava, uniosak u raźvićcio demakratyi i adstojvańnie viaršenstva zakona. Pieršym łaŭreatam premii A. Sacharava (1988) byŭ Nelsan Mandeła; u 2004 h. premiju atrymała Biełaruskaja asacyjacyja žurnalistaŭ.
-
«Jana nie ŭ turmie, a na śpiecdačy KDB!» Kanśpirołahi nakinulisia na Kaleśnikavu
-
«Jak ludzi na takoje viaducca? Dy vielmi prosta». Raspoviedy biełarusaŭ, jakija pracavali telefonnymi ašukancami
-
Aleksijevič pra maršy pratestu: Ciapier było b bolš žorstka, była b kroŭ. A tady my dumali, što heta śviata
«Jana nie ŭ turmie, a na śpiecdačy KDB!» Kanśpirołahi nakinulisia na Kaleśnikavu12
Kamientary