U Rasii mužčynu z ranieńniami abiedźviuch noh znoŭ adpraŭlajuć na vajnu. Pa słovach blizkich, mužčyna drenna pierasoŭvajecca
37-hadovy Ali A. z Dahiestana padpisaŭ kantrakt u 2022 hodzie. Padčas vykanańnia bajavych zadač Ali atrymaŭ traŭmu nahi i byŭ nakiravany na lačeńnie, piša telehram-kanał «Aściarožna, naviny».
Tam jamu pryznačyli datu apieracyi, ale svabodnych miescaŭ u špitali nie akazałasia. Ali prapanavali znoŭ źjechać na vajnu, nibyta tam možna chutčej damahčysia nakiravańnia ŭ špital. Pa słovach blizkich, na froncie jaho znoŭ pryciahnuli ŭ šturmavuju piachotu.
U krasaviku 2024 hoda Ali atrymaŭ traŭmu druhoj nahi. Fakt atrymańnia traŭmy zafiksavany vajennym doktaram, kantraktnika całkam abśledavali, jamu vydali daviedki, jakija paćviardžajuć traŭmy abiedźviuch noh. Pa słovach svajakoŭ, lačeńnie siaržanta Ali A.tak i nie pravodziłasia. Ciapier jon ź ciažkaściu pierasoŭvajecca, jamu nieabchodna adnavić funkcyi abiedźviuch noh, ale apieracyi tak i nie pryznačanyja.
Niadaŭna, u kancy listapada, v.a. kamandzira v/č 63354 znoŭ paviedamiŭ Ali A., što jaho adpraviać u zonu vajny. Svajaki ličać adpraŭku niedapuščalnaj, uličvajučy traŭmy i adsutnaść lačeńnia.
Kamientary