U Biełarusi zabaranili try vidy rasijskaha maroziva i batončyk «Ahuša»
Biełaruski Dziaržstandart unios u śpis niebiaśpiečnaj pradukcyi try vidy marožanaha z Rasii — akazałasia, što zamieńnika małočnaha tłušču ŭ ich bolš, čym treba. Taksama pad zabaronu trapiŭ dziciačy fruktovy batončyk «Ahuša» — u im zanadta šmat kansiervantaŭ.
U čorny śpis Dziaržstandarta trapili try vidy marožanaha marki «Fabrika hriez». Usie jany — z zamieńnikam małočnaha tłušču, pryčym jaho akazałasia bolš za 99,9% pry normie nie bolš za 50%.
Taksama ŭ śpisie niebiaśpiečnaj pradukcyi apynuŭsia fruktovy batončyk «Jabłyk-ažyna-malina» brenda «Ahuša» vytvorčaści rasijskaha TAA PK «Farm-pro». U im znajšli nie zajaŭleny ŭ markiroŭcy kansiervant dyjaksid siery. Jaho kolkaść pieravyšaje 10 mh/kh, što, na dumku Dziaržstandartu, moža vyklikać alerhiju i supraćpakazana pry asobnych vidach zachvorvańniaŭ u dziaciej.
Zabarony na ŭvoz i prodaž hetych praduktaŭ pačnuć dziejničać 9 śniežnia.
«Kubło takoje». Ź pierapisak Kabančuka robicca jasna, čamu Vieramiejčyka paličyli niebiaśpiekaj i zabaranili jamu ŭjezd va Ukrainu16
Kamientary