Paryž atrymaŭ ad uładaŭ Čada pradpisańnie vyvieści ŭvieś francuzski vajenny kantynhient da 31 studzienia. Francuzskija čynoŭniki kažuć, što vyvieści tysiaču sałdat i mnostva techniki za taki termin niemahčyma, piša Deutsche Welle.
Urad Francyi ŭviečary ŭ čaćvier, 19 śniežnia, atrymali pradpisańnie ad uładaŭ Čada ab poŭnym vyvadzie francuzskaha vajskovaha kantynhientu z hetaj afrykanskaj krainy da 31 studzienia, paviedamiła Mižnarodnaje francuzskaje radyjo sa spasyłkaj na krynicy, blizkija da francuzskaha ŭrada.
Surazmoŭcy RFI nazvali patrabavańni Čada nierealistyčnymi. «Usiaho za siem tydniaŭ vyvieści tysiaču sałdat i mnostva techniki — heta niemahčyma», — zajavili vysokapastaŭlenyja francuzskija vajskoŭcy. Jany nazvali atrymanaje pradpisańnie «ciskam z boku žorstkich kołaŭ pieršaha koła ŭłady Čada», udakładniŭšy ŭ toj ža čas, što pieramovy praciahvajucca, nosiać «techničny charaktar, ale prachodziać dobra».
Krynica, blizkaja da ŭładaŭ Čada, raspaviała, što pieršapačatkovy hrafik vyvadu francuzskich vojskaŭ byŭ raźličany da sakavika, ale jaho adchilili, pakolki paličyli zanadta doŭhim.
Surazmoŭca RFI zajaviŭ, što najlepšym dla Čada varyjantam byŭ by vyvad vajskoŭcaŭ da kanca lutaha abo pačatku Śviatoha dla musulman miesiaca Ramadan (12 sakavika).
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda15
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary
Praz 100 hod znoŭ " O diŭnyj novy mir"