Na tym tydni stała viadomaja mahčymaja pryčyna tajamničaj pajezdki Łukašenki ŭ Šviejcaryju.
Na tym tydni stała viadomaja mahčymaja pryčyna tajamničaj pajezdki Łukašenki ŭ Šviejcaryju. Jeŭrasajuzaŭski dypłamat paviedamiŭ, što, zhodna ź ich infarmacyjaj, kiraŭniku Biełarusi rabili apieracyju na prastacie. Infarmacyja raźlaciełasia praź internet. Ot, tam užo nazłaślivili.
U tym, što Łukašenka jeździŭ lačyć prastatu, nijakaha soramu niama. Tysiačy mužčyn u jaho vieku pakutujuć ad hetaha. Pytańnie ŭ inšym: kolki biełarusaŭ majuć mahčymaść lačycca ŭ Šviejcaryi? Majuć hrošy apłacić apieracyju, navat samuju mizernuju, u šviejcarskaj klinicy, znachodžańnie tam i darohu?
Ci zarablaje kiraŭnik dziaržavy dastatkovyja dla hetaha srodki? U intervju rasijskamu telekanału TVC jon niejak skazaŭ, što jon maje miesiačny akład kala 1200 dalaraŭ. Padobnaja apieracyja i piacidzionnaje znachodžańnie, skažam, u šviejcarskaj klinicy Hruppy Chirsłanden vyljecca ŭ sumu ad 30 tysiač dalaraŭ. Tearetyčna, kiraŭnik dziaržavy moža stolki naźbirać. Abo napazyčać u ministraŭ, jakija, pavodle jaho słovaŭ, majuć akłady ŭ 800 dalaraŭ štomiesiac.
I ŭsio ž, kali heta była pajezdka na lačeńnie, čaho ž tady pres‑słužba prezidenta i dziaržaŭnyja ŚMI trubili pra «aficyjny vizit», «pracoŭnyja sustrečy»? Ci značyć heta, što hramadzianin Łukašenka źjeździŭ za dziaržaŭnyja hrošy pa svaich pryvatnych patrebach?
Pytańnie na pytańni… Kazali b praŭdu, jak jość, moža, ludzi bolej im vieryli b.
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju33
Kamientary