На тым тыдні стала вядомая магчымая прычына таямнічай паездкі Лукашэнкі ў Швейцарыю.
На тым тыдні стала вядомая магчымая прычына таямнічай паездкі Лукашэнкі ў Швейцарыю. Еўрасаюзаўскі дыпламат паведаміў, што, згодна з іх інфармацыяй, кіраўніку Беларусі рабілі аперацыю на прастаце. Інфармацыя разляцелася праз інтэрнэт. От, там ужо назласлівілі.
У тым, што Лукашэнка ездзіў лячыць прастату, ніякага сораму няма. Тысячы мужчын у яго веку пакутуюць ад гэтага. Пытанне ў іншым: колькі беларусаў маюць магчымасць лячыцца ў Швейцарыі? Маюць грошы аплаціць аперацыю, нават самую мізэрную, у швейцарскай клініцы, знаходжанне там і дарогу?
Ці зарабляе кіраўнік дзяржавы дастатковыя для гэтага сродкі? У інтэрв’ю расійскаму тэлеканалу ТВЦ ён неяк сказаў, што ён мае месячны аклад каля 1200 даляраў. Падобная аперацыя і пяцідзённае знаходжанне, скажам, у швейцарскай клініцы Группы Хірсландэн выльецца ў суму ад 30 тысяч даляраў. Тэарэтычна, кіраўнік дзяржавы можа столькі назбіраць. Або напазычаць у міністраў, якія, паводле яго словаў, маюць аклады ў 800 даляраў штомесяц.
І ўсё ж, калі гэта была паездка на лячэнне, чаго ж тады прэс‑служба прэзідэнта і дзяржаўныя СМІ трубілі пра «афіцыйны візіт», «працоўныя сустрэчы»? Ці значыць гэта, што грамадзянін Лукашэнка з’ездзіў за дзяржаўныя грошы па сваіх прыватных патрэбах?
Пытанне на пытанні… Казалі б праўду, як ёсць, можа, людзі болей ім верылі б.
-
Томас Венцлава: «Літва і Беларусь ніколі не варагавалі. Гэта рэдкі выпадак для адносін двух народаў»
-
Фядута — Калеснікавай: Машанька, ці вярніцеся на Месяц, ці не вучыце жыць тых, хто стаміўся набіваць гузы ад чарговага наступання на граблі
-
Мінску трэба выдушыць з сябе правінцыйнасць і вярнуць нахабства і бляск Вялікага Горада
Цяпер чытаюць
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай73
Каментары