У Крамлі адмовіліся каментаваць прычыны крушэння самалёта ў Казахстане
Прэс-сакратар прэзідэнта РФ Дзмітрый Пяскоў заявіў, што Крэмль не стане рабіць гіпотэзы прычын авіякатастрофы самалёта Azerbaijan Arilines у Казахстане да заканчэння следства.
«Да высноў следства выбудоўваць якія-небудзь гіпотэзы было б няслушна. Мы, канешне ж, гэтага рабіць не будзем, і ніхто не павінен гэтага рабіць. Трэба дачакацца заканчэння следства», — сказаў Пяскоў.
Пасля крушэння самалёта Azerbaijan Arilines у Казахстане на абломках лайнера заўважылі сляды, падобныя на пашкоджанні ад элементаў зенітнай ракеты. Такім чынам з'явілася версія, што самалёт маглі атакаваць расійская СПА, якія 25 снежня адбівалі атаку ўкраінскіх беспілотнікаў.
У Казахстане назвалі такія здагадкі «спекуляцыямі».
У той жа час тэлеграм-канал ВЧК-ОГПУ заявіў, што яму ўдалося азнаёміцца з поўнай расшыфроўкай перамоў экіпажа рэйса Баку — Грозны з дыспетчарам у Грозным. З яе вынікае, што самалёт падбілі зенітнай ракетай.
25 снежня пасажырскі самалёт Embraer 190 авіякампаніі AZAL, які выконваў рэйс па маршруце Баку — Грозны, разбіўся за тры кіламетры ад аэрапорта Актау.
На борце паветранага судна знаходзіліся 67 чалавек, у тым ліку 62 пасажыры і 5 членаў экіпажа. Паводле абноўленых даных, сярод пасажыраў былі:
- 37 грамадзян Азербайджана, з іх 23 чалавекі загінулі, 14 выжылі;
- 3 грамадзян Кыргызстана, усе выжылі;
- 16 грамадзян Расіі, з якіх 7 загінулі, 9 выжылі;
- 6 грамадзян Казахстана, усе яны загінулі.
Абодва пілоты самалёта загінулі. З пяці членаў экіпажа трое засталіся жывымі.
-
Беларуска-літоўскую мяжу праз балота перайшла група з 35 мігрантаў. Іх лавілі з верталётам і сабакамі
-
У Іркуцкай вобласці лабарантка навуковага інстытута памерла ад чумы. Цяпер горад на вушах
-
Гераічны індыйскі пілот Flydubai упершыню расказаў, што адбывалася ў кабіне самалёта на рэйсе з Дубая ў Тэль-Авіў
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі7
Каментары