Zakryvajecca znakamitaje kafe «Załaty hrabieńčyk» u centry Minska, jakoje naležała Čyžu
Jaho niekalki razoŭ sprabavali pradać, ale biezvynikova.
Kafe «Załaty hrabieńčyk» na Lenina, 3 u centry Minska zakryvajecca. Ustanova, jakoj u minułym hodzie spoŭniłasia 18 hadoŭ, budzie pracavać da 8 studzienia ŭklučna.
«18 hadoŭ my sustrakali svaich haściej, radavali smačnymi desiertami, dzialili z vami samyja jarkija padziei vašaha žyćcia. Stvarali sučasnyja šedeŭry pa kłasičnych i aŭtarskich receptach francuzskaj kuchni. Sustrakali vas na štodzionnyja śniadanki, abiedziennyja pierapynki i siamiejnyja viačery.
Nam nievierahodna pryjemna, što my zmahli stać častkaj vašaha žyćcia. Ale, na žal, 8 studzienia 2025 hoda — apošni rabočy dzień našaj ustanovy. 9 studzienia my ŭžo nie adčynim dla vas svaje dźviery», — paviedamlajecca ŭ instahramie ŭstanovy.
Pieršapačatkova «Załaty hrabieńčyk» byŭ darahim restaranam elitnaj francuzskaj kuchni, adnak u 2017 hodzie ŭstanova źmianiła kancepcyju na kafe.
«Załaty hrabieńčyk» naležaŭ kampanii «Trajpł» Juryja Čyža. U 2023 hodzie kafe niekalki razoŭ sprabavali pradać, ale biezvynikova. Na apošnich tarhach košt kafe sa źnižkaj u 40% składaŭ 5 632 068 rubloŭ (kala 1,8 młn dołaraŭ pa tahačasnym kursie).
Druhoje kafe «Załaty hrabieńčyk» na płoščy Pieramohi praciahvaje pracu.
Ciapier čytajuć
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ1
Kamientary