Va Uźbiekistanie asudzili miascovaha hramadzianina, jaki vajavaŭ suprać Ukrainy
Pavodle źviestak vydańnia «Hazieta.uz», 39-hadovy žychar Uźbiekistana pajechaŭ u Rasiju na zarobki viasnoj 2023 hoda, a ŭžo ŭ lipieni vyrašyŭ padpisać kantrakt ź Minabarony, skarystaŭšysia z parady rasijanina, ź jakim pracavaŭ.
Mužčyna prabyŭ na froncie da śniežnia taho ž hoda, uziaŭšy ŭdzieł u bajach za Šachciorsk i Bachmut, dzie, jak sam zajaŭlaje, zabiŭ bolš za 10 ukrainskich vajskoŭcaŭ.
«21 lipienia 2023 hoda jon zaklučyŭ dadatkovyja kantrakty z rasijskimi siłami, pa jakich jamu było abiacana 450 tysiač rubloŭ (kala 4950 dalaraŭ pa kursie na toj pieryjad) u miesiac za ŭdzieł u bajavych dziejańniach. Spačatku jon atrymaŭ dva płaciažy pa 150 tysiač rubloŭ, ale zatym vypłaty spynilisia», — piša vydańnie.
Mužčyna viarnuŭsia na radzimu ŭ śniežni 2023 hoda, a ŭ apošni dzień hetaha hoda sam pryjšoŭ da miascovych siłavikoŭ i pryznaŭsia ŭ najmictvie. Padpisaŭ kantrakt jon nibyta z-za ciažkaha finansavaha stanovišča i nieabchodnaści ŭtrymlivać žonku i traich dziaciej. Akramia jaho, na froncie byli taksama ludzi z Tadžykistana i inšyja inšaziemcy.
Zhodna ź miascovym zakanadaŭstvam, najmictva karajecca realnym pazbaŭleńniem voli na termin da 10 hadoŭ, ale sud pryniaŭ da ŭvahi źmiakčalnyja abstaviny i abmiežavaŭ svabodu mužčyny na 4 hady i 3 miesiacy: jamu nielha pakidać miesca pražyvańnia za vyklučeńniem pajezdak na pracu abo vučobu, mianiać miesca žycharstva i vyjazdžać sa svajoj Andyžanskaj vobłaści.
U Rasii vahnieraviec zadušyŭ siabroŭku drotam ad zaradki: jamu zdałosia, što jana jaho viarbuje na karyść Ukrainy
Uźbiek atrymaŭ piać hadoŭ za ŭdzieł u vajnie na baku Rasii. Na froncie jon pravioŭ litaralna niekalki chvilin
U Rasii vahnieraviec zabiŭ dvuch čałaviek, pajšoŭ na vajnu, viarnuŭsia i napaŭ z nažom na žančynu. Ale sudzić jaho nie buduć
Kamientary