Ва Узбекістане асудзілі мясцовага грамадзяніна, які ваяваў супраць Украіны
Паводле звестак выдання «Газета.уз», 39-гадовы жыхар Узбекістана паехаў у Расію на заробкі вясной 2023 года, а ўжо ў ліпені вырашыў падпісаць кантракт з Мінабароны, скарыстаўшыся з парады расіяніна, з якім працаваў.
Мужчына прабыў на фронце да снежня таго ж года, узяўшы ўдзел у баях за Шахцёрск і Бахмут, дзе, як сам заяўляе, забіў больш за 10 украінскіх вайскоўцаў.
«21 ліпеня 2023 года ён заключыў дадатковыя кантракты з расійскімі сіламі, па якіх яму было абяцана 450 тысяч рублёў (каля 4950 даляраў па курсе на той перыяд) у месяц за ўдзел у баявых дзеяннях. Спачатку ён атрымаў два плацяжы па 150 тысяч рублёў, але затым выплаты спыніліся», — піша выданне.
Мужчына вярнуўся на радзіму ў снежні 2023 года, а ў апошні дзень гэтага года сам прыйшоў да мясцовых сілавікоў і прызнаўся ў найміцтве. Падпісаў кантракт ён нібыта з-за цяжкага фінансавага становішча і неабходнасці ўтрымліваць жонку і траіх дзяцей. Акрамя яго, на фронце былі таксама людзі з Таджыкістана і іншыя іншаземцы.
Згодна з мясцовым заканадаўствам, найміцтва караецца рэальным пазбаўленнем волі на тэрмін да 10 гадоў, але суд прыняў да ўвагі змякчальныя абставіны і абмежаваў свабоду мужчыны на 4 гады і 3 месяцы: яму нельга пакідаць месца пражывання за выключэннем паездак на працу або вучобу, мяняць месца жыхарства і выязджаць са сваёй Андыжанскай вобласці.
У Расіі вагнеравец задушыў сяброўку дротам ад зарадкі: яму здалося, што яна яго вярбуе на карысць Украіны
Узбек атрымаў пяць гадоў за ўдзел у вайне на баку Расіі. На фронце ён правёў літаральна некалькі хвілін
У Расіі вагнеравец забіў двух чалавек, пайшоў на вайну, вярнуўся і напаў з нажом на жанчыну. Але судзіць яго не будуць
Пастар Грэм на «Чыжоўка-арэне» папрасіў маліцца за Лукашэнку і Пуціна. А сам маліўся за Трампа55
Каментары