Minčuk uziaŭ u znajomych dla biznesu $357 tysiač i vyrašyŭ prajhrać ich u kazino
Viartać hrošy mužčyna pieradumaŭ i atrymaŭ vialiki termin.
Minčuk uziaŭ u dvuch znajomych 347 tysiač dalaraŭ. Hrošy 29-hadovy mužčyna prasiŭ pad roznymi padstavami. Adna ź ich — adkryćcio sumiesnaha biznesu pa pastaŭkach aŭto z Kitaja ŭ Biełaruś.
Jon ža abiacaŭ adnamu sa znajomych dapamahčy pieradać srodki z ZŠA praz svoj kryptakašalok. Voś tolki i hetyja hrošy — 10 tysiač dalaraŭ — jon pakinuŭ sabie.
Abiacańni, dadzienyja «donaram», mužčyna vykonvać nie źbiraŭsia. Dy i mahčymaści takoj u jaho nie było. Hrošy minčanin traciŭ na siabie, u tym liku hulaŭ u kazino. Znajomyja napisali na jaho zajavu, i mužčynu zatrymali.
U sudzie jon svaju vinu nie pryznaŭ. U vyniku minčuku pryznačyli 9 hadoŭ kałonii ŭzmocnienaha režymu i štraf 32 tysiačy rubloŭ. Pra los vielizarnaj sumy, jakuju pazyčyŭ mužčyna, prakuratura nie paviedamlaje.
Kamientary