U Biełarusi da kanca 2024 hoda časova zabaraniałasia pryviazvać da zamiežnaj valuty arendnuju płatu za karystańnie majomaściu. Hetaja norma aficyjna nie padoŭžanaja, adnak hetuju zabaronu źbirajucca zamacavać u Hramadzianskim kodeksie. Pry hetym navat nie spatrebicca prymać śpiecyjalny zakon, piša Myfin.by.
U zakonaprajekt «Ab spažyvieckim kredycie i spažyvieckaj mikrapazycy», pryniaty Pałataj pradstaŭnikoŭ 10 studzienia 2025 hoda ŭ druhim čytańni, uklučanaja papraŭka ŭ Hramadzianski kodeks, jakaja praduhledžvaje, što ŭ damovie arendy (akramia damovy lizinhu) pamier arendnaj płaty moža vyznačacca tolki ŭ biełaruskich rublach.
Abmiežavańnie prava arendadaŭca vyznačać u damovie pamier arendnaj płaty ŭ valutnym ekvivalencie vykarystoŭvałasia z 23 vieraśnia 2022 hoda da 31 śniežnia 2024 hoda na padstavie zakonaŭ ad 18 lipienia 2022 hoda № 197-Ź i ad 5 studzienia 2024 № 347-Z «Ab źmienie zakonaŭ pa pytańniach rynku kaštoŭnych papier».
U abhruntavańni zakona havaryłasia, što hetaja miera prymałasia «ŭ metach praciahu pracy pa devalutyzacyi ekanomiki, vyklučeńnia mahčymaści vykarystańnia pry zaklučeńni damoŭ arendy hrašovych adzinak zamiežnych dziaržaŭ, jakija ździajśniajuć niedružalubnyja dziejańni ŭ dačynieńni da Biełarusi».
Što za «Sihma boj»? Hetaj virusnaj pieśniaj zaniepakoilisia ŭ Jeŭraparłamiencie12
Kamientary
Nie priviedut k valutie, tak propišut, čto ariendodatiel po sohłasovaniju storon ostavlajet za soboj pravo ježiemiesiačno pieriesmatrivať stoimosť ariendy.