U Minpracy nazvali top-7 źmienaŭ u balničnym, jakija dziejničajuć z pačatku hoda
Z 1 studzienia ŭ Biełarusi ŭstupili ŭ siłu źmieny ŭ paradku vydačy i afarmleńnia balničnaha. U Ministerstvie pracy i sacyjalnaj abarony nazvali siem klučavych źmienaŭ.
1. Balničny dla maci i pry špitalizacyi ź inšym dziciem
Listki niepracazdolnaści ciapier mohuć vydavacca nie tolki ŭ vypadku chvaroby maci, jakaja vychoŭvaje dzicia da troch hadoŭ, ale i pry jaje špitalizacyi ź inšym dziciem.
2. Dla pracujučych invalidaŭ
Balničny vydajecca nie bolš čym na 60 kalandarnych dzion zapar i nie bolš čym na 90 kalandarnych dzion ź pierapynkami ŭ kalandarnym hodzie. Paśla hetych terminaŭ vydajecca daviedka ab časovaj niepracazdolnaści.
3. Asoby, jakija pražyvajuć u zonie radyjacyjnaha zabrudžvańnia
Udakładniena, što da takich asob adnosiacca nie tolki zarehistravanyja, ale i tyja, chto faktyčna pražyvaje na hetych terytoryjach.
4. Balničny dla dohladu za dziciem-invalidam
Na čas sanatorna-kurortnaha lačeńnia ci miedycynskaj reabilitacyi dziciaci-invalida da 18 hadoŭ balničny mohuć atrymać nie tolki maci i baćka, ale i inšyja svajaki abo členy siamji.
5. Zapisy pra novyja zachvorvańni pry vypiscy sa stacyjanara
Kali ŭ dziciaci pry vypiscy ŭźnikaje novaje zachvorvańnie, heta možna adznačyć u radku «asablivyja adznaki» listka niepracazdolnaści, ukazaŭšy «inšaje zachvorvańnie, traŭma».
6. Novy vid niepracazdolnaści — «18»
Uviedzieny novy vid dla vydačy daviedak tym, chto nakiroŭvajecca na miedycynski ahlad pa nakiravańni vajennych kamisaryjataŭ.
7. Elektronnaja zachoŭvańnie źviestak
Uviedziena prava na zachoŭvańnie źviestak pra raźlik siaredniadzionnaha zarobku i pieryjad vypłaty ŭnioskaŭ, jakija vydajucca orhanami FSAN, u elektronnym vyhladzie.
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili27
Kamientary