U zakinutaj šachcie ŭ Paŭdniovaj Afrycy padčas błakady ŭładami zahinuli 78 nielehalnych rabočych
Z šachty vyvieli 246 čałaviek žyvymi, ale niekatoryja ź ich byli ŭ stanie mocnaha źniasileńnia i dezaryjentacyi. Niekatoryja šachciory znachodzilisia pad ziamloj ź lipienia.
U Paŭdniova-Afrykanskaj Respublicy z zakinutaj šachty padniali cieły 78 nielehalnych šachcioraŭ, jakija zahinuli padčas błakady, arhanizavanaj uładami, paviedamlaje Radyjo Svaboda.
Z šachty vyvieli 246 čałaviek žyvymi, ale niekatoryja ź ich byli ŭ stanie mocnaha źniasileńnia i dezaryjentacyi. Usie jany byli adrazu aryštavany za niezakonnuju mihracyju i zdabyču zołata. Pavodle paviedamleńniaŭ pravaabaroncaŭ, u balnicu nikoha nie zabrali.
Niekatoryja šachciory znachodzilisia pad ziamloj ź lipienia. Zapasy vady i ježy im pastaŭlali z pavierchni. Bolšaść z rabočych akazalisia vychadcami z Mazambika i nie mieli dakumientaŭ. U žniŭni ŭłady PAR pryniali rašeńnie prymusić rabočych pakinuć šachtu, pierakryŭšy im dostup da nieabchodnych praduktaŭ.
«Dajučy ježu, vadu i nieabchodnyja rečy nielehalnym šachcioram, palicyja zabaŭlajecca i dazvalaje złačynnaści kvitnieć», — zajaviła pradstaŭnica palicyi PAR Atlenda Mate.
Pa danych palicyi, za apošnija piać miesiacaŭ bolš za 1,5 tysiačy šachcioraŭ samastojna vyjšli na pavierchniu. Usie jany byli aryštavany, 121 čałaviek užo departavany.
Fiederacyja prafsajuzaŭ PAR abvinavaciła ŭłady ŭ tym, što jany faktyčna dazvolili šachcioram «pamierci ad hoładu ŭ hłybiniach ziamli». U arhanizacyi taksama paviedamili, što niekalki rabočych zahinuli, sprabujučy prapaŭźci pa zatoplenych tunelach u susiednija šachty, kab vybracca na pavierchniu.
Druhaja pa vieličyni frakcyja ŭ kiroŭnaj kaalicyi, «Demakratyčny aljans», zajaviła, što dziejańni ŭładaŭ na šachcie «vyjšli z-pad kantrolu», i zaklikała da praviadzieńnia niezaležnaha rasśledavańnia.
Situacyja padkreślivaje surjoznyja prablemy ŭ śfiery mihracyi, pracy i biaśpieki ŭ PAR, vyklikajučy rezanans jak unutry krainy, tak i za jaje miežami.
Jak za biełaruskimi apazicyjanierami špijoniła madel Onlifans37
Kamientary
Ci złodziei na pavierchni nadta vysoka siadziać i palicyi tak hałavu nie zadrać, kab ich ubačyć?