Hramadstva1111

Jakija krainy vinšavali Łukašenku ź pieramohaj u 2020-m, a ciapier ihnarujuć jaho «pieraabrańnie»

Alaksandr Łukašenka praciahvaje źbirać vinšavańni z čarhovym praciaham jaho prezidenckich paŭnamoctvaŭ. Praŭda, pastupajuć jany hałoŭnym čynam ad tych kiraŭnikoŭ dziaržaŭ, dzie taksama nazirajucca prablemy z demakratyjaj. Tak ci inakš, navat u paraŭnańni z 2020 hodam kolkaść lidaraŭ krain, hatovych padpisacca pad lehitymnaściu Łukašenki, skaraciłasia. Pahladzieli, čyich vinšavańniaŭ jon tak i nie dačakaŭsia.

Fota: Ali Cura Anadolu via Getty Images

Adnymi ź pieršych Łukašenku pazvanili prezidenty Kazachstana Kasym-Žamart Takajeŭ, Uźbiekistana — Šaŭkat Mirzijajeŭ, Tadžykistana — Emamali Rachmon, Azierbajdžana — Ilcham Alijeŭ. Taksama ŭ šerahu najbolš chutkaha vinšavańnia ŭžo tradycyjna adznačyŭsia lidar Kitaja Si Czińpin i kiraŭnik Rasii Uładzimir Pucin.

«Rasijski lidar ciopła pavinšavaŭ biełaruskaha kalehu ź pierakanaŭčaj pieramohaj na prezidenckich vybarach», — rapartavała łukašenkaŭskaja pres-słužba. Vyniki abodvuch amal identyčnyja — Pucin u 2024 hodzie atrymaŭ 87,28% hałasoŭ, Łukašenku ž ciapier (pa papiaredniaj infarmacyi CVK) namalavali 86,82%. Ličby blizkija da vynikaŭ Pucina, ale akuratnyja, kab usio ž nie abyści «starejšaha brata».

Bieź vinšavańniaŭ Łukašenku taksama nie pakinuli družalubnyja biełaruskamu ŭradu Vjetnam, Kuba, Nikarahua, Vieniesueła, Turkmienistan, Pakistan, Kyrhyzstan, Mjanma, kiraŭnictva Abjadnanych arabskich emirataŭ.

Ź jeŭrapiejcaŭ adznačylisia prezident Sierbii Alaksandr Vučyč i staršynia prezidyuma Bośnii i Hiercahaviny Želka Ćvijanovič (taksama sierbka pa nacyjanalnaści).

A chto ž admaŭčaŭsia?

Dosyć čakana paśla zamarozki dziejnaści ŭ ADKB nie vyjšaŭ na suviaź premjer-ministr Armienii Nikoł Pašynian, jaki ŭ 2020 hodzie žadaŭ Łukašenku «novych dasiahnieńniaŭ na pasadzie kiraŭnika dziaržavy» i vykazvaŭ upeŭnienaść va «ŭmacavańni siabroŭstva».

U 2020-m prezidenckaje kresła ŭ Małdovie zajmaŭ Ihar Dadon, jaki ŭ svaim vinšavańni adznačyŭ, što, pieraabraŭšy Łukašenku, «biełaruski narod vykazaŭ vysoki davier i šyrokuju padtrymku abranamu palityčnamu i sacyjalna-ekanamičnamu šlachu raźvićcia». Ad ciapierašniaj lidarki Małdovy Mai Sandu takich kamplimientarnych rečaŭ Łukašenku čakać nie vypadaje.

Taksama palityčnaja abstanoŭka za piać hod źmianiłasia ŭ Siryi: Bašar Asad va ŭciokach, a ŭnutry arabskaj respubliki zaraz chapaje prablem.

Adsutničaje pakul vinšavańnie i ad prezidenta Turcyi Redžepa Taipa Erdahana. Pry tym što sam Łukašenka stabilna vinšavaŭ Erdahana i ź pieravybrańniem, i z usimi nacyjanalnymi i asabistymi śviatami.

Kamientary11

  • Botam
    29.01.2025
    Bośnija nie ličycca, Cyijanovič časovy, pa čarzie, staršynia i zamiežnuju palityku farmiruje nie jana, pryvatnaje jaje mierkavańnie, a voś častka Bośni Respublika Sierbskaja ŭ vyhladzie jaje kiraŭnika Dodzika, jaki lubić Pucina, Łukašenku pavinšavała.
  • Hela
    29.01.2025
    Bajstruk zaŭsiody maje šyzu. Jon ź dziacinstva taki. Z malenstva kidaŭsia da mužčyn, šukajučy baćku.
  • Baradzied
    29.01.2025
    Sołniečnyje turkistany pozdravili vsie.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Asvojvajcie VPN. Budziecie čytać niezaležnyja ŚMI i nie padstaŭlacca — padrabiazny hajd10

Asvojvajcie VPN. Budziecie čytać niezaležnyja ŚMI i nie padstaŭlacca — padrabiazny hajd

Usie naviny →
Usie naviny

Maładaja doktarka ź Minska raskazała pra bol usich učastkovych terapieŭtaŭ10

Biełaruski dalnabojščyk, jaki źnik u Polščy, imavierna, pamior2

Čyrvony kaścioł u Minsku pakul nie adčyniać1

Tramp choča pravieści samit z udziełam Si Czińpina i Pucina19

U Naviband vyjšaŭ novy biełaruskamoŭny albom «Adliha». Siarod piesień — duet z «Bi-2»3

Prapahandyst Špakoŭski paradavaŭ čynoŭnikaŭ u Mjanmie knihami i pieśniami6

Tramp anansavaŭ sustreču pradstaŭnikoŭ Ukrainy, Rasii i ZŠA ŭ Miunchienie7

Kavieryn pra Trampa: Ja dumaŭ, jon realny pacan, a jon akazaŭsia ryžym bajaźlivym kłoŭnam85

Kiraŭnik «Biełmiedtechniki», u haražy jakoha KDB znajšoŭ $620 tysiač chabaru, vyzvaliŭsia z kałonii i ŭładkavaŭsia na novuju pracu3

bolš čytanych navin
bolš łajkanych navin

Asvojvajcie VPN. Budziecie čytać niezaležnyja ŚMI i nie padstaŭlacca — padrabiazny hajd10

Asvojvajcie VPN. Budziecie čytać niezaležnyja ŚMI i nie padstaŭlacca — padrabiazny hajd

Hałoŭnaje
Usie naviny →

Zaŭvaha:

 

 

 

 

Zakryć Paviedamić