Ekanomika1212

Na razhromlenym dziaržavaj pradpryjemstvie Łukašenka zajaviŭ, što hatovy ŭsialak dapamahać pryvatnamu biznesu

Zajavu Łukašenka zrabiŭ na Motaviełazavodzie, uładalnika jakoha ŭ 2017 hodzie prysudzili na 11 hadoŭ pazbaŭleńnia voli z kanfiskacyjaj aktyvaŭ za admovu pieradać u dar dziaržavie akcyi «Motavieła». 

U Biełarusi nichto nie nastrojeny suprać pryvatnaj vytvorčaści, skazaŭ Alaksandr Łukašenka ŭ chodzie razmovy z supracoŭnikami pradpryjemstvaŭ u staličnym technaparku.

«Treba pašyrać vytvorčaść. I my hetym pryvatnikam budziem dapamahać. Usialak budziem dapamahać», — cytuje Łukašenku BiełTA. 

Pavodle jaho słoŭ, u respublicy niama «jakich-niebudź nastrojaŭ, nakiravanych suprać pryvatnaj vytvorčaści, i nie źjavicca ŭ budučym». Adnak, dadaŭ jon, heta datyčycca pryvatnych pradpryjemstvaŭ, «jakija pracujuć, płaciać padatki i płaciać narmalny zarobak, pradajuć pradukcyju».

Svaju zajavu Łukašenka zrabiŭ u technaparku, u skład jakoha ŭvachodzić i Motaviełazavod. 

Biełaruski pradprymalnik Alaksandr Muraŭjoŭ, jaki žyŭ i mieŭ chołdynh u Aŭstryi, doŭhi čas farmalna byŭ adnym z najbujniejšych aŭstryjskich inviestaraŭ u Biełarusi.

U 2015 hodzie ŭłady Biełarusi rezka spynili jahonuju pradprymalnickuju dziejnaść: paśla taho jak jon admoviŭsia pieradać u dar dziaržavie akcyi «Motavieła», što naležać ATEC Investment GmbH, KDB 1 červienia 2015 hoda źmiaściŭ jaho ŭ svaju turmu. Usiaho Muraŭjovu daviałosia pravieści tam bolš za try hady.

Akramia jak u padatkovych pravaparušeńniach, biznesoŭca abvinavačvali ŭ nievykanańni inviestycyjnych płanaŭ na «Motavieła». Muraŭjoŭ paličyŭ abvinavačvańni sfabrykavanymi. Tym nie mienš u 2017 hodzie jamu prysudzili ahułam 11 hadoŭ pazbaŭleńnia voli z kanfiskacyjaj aktyvaŭ. Prytym sud u Minsku nie tolki kanfiskavaŭ pryvatnyja aktyvy Muraŭjova, ale i eksprapryjavaŭ akcyi, što naležali nie jamu, a źviazanaj ź im aŭstryjskaj chołdynhavaj kampanii.

Alaksandr Muraŭjoŭ z pamiatnymi adznakami «Motavieła» ŭ Dubai, 25 studzienia 2024 hoda

Ahułam Muraŭjoŭ i aŭstryjskaja chołdynhavaja kampanija, što za toj čas była likvidavanaja, stracili vielizarnyja sumy. Havorka idzie pra sumu ad 40 da 274 miljonaŭ jeŭra. Da aryštu jahonaja hrupa mieła hadavy abarot 200 miljonaŭ jeŭra.

U intervju APA Alaksandr Muraŭjoŭ raskazaŭ, što, akramia źbićcia ŭ SIZA KDB, jamu pahražali zabojstvam.

«Jany skazali mnie, što ja mahu ličyć, što mianie ŭžo niama ŭ žyvych i što maje dzieci navat nie znojduć majoj mahiły», — skazaŭ jon. Heta byŭ surjozny cisk, zajaviŭ pradprymalnik.

Jašče da vynikovaha prysudu ŭ 2017 hodzie Łukašenka publična zajaviŭ, što pahražaŭ Muraŭjovu turmoju, kali toj nie pojdzie na jahonyja ŭmovy. 

Kamientary12

  • Anuča čyrvona-zialonaja
    16.01.2025
    Hladzieú TB a ú im Mudziščaú iznoú tam kazki havaryú...
  • Tabor pajšoú u viosku Aleksandryja
    16.01.2025
    Acab, jano kazała što pažmie apošniamu pradprymalniku ruku. Słuchać Valeta siabie nie pavažać. Jano skaža zaraz adno, praź dzień druhoje, a jašče praź dzień treciaje...potym skaža: A ja takoho ne havarył!
  • Baradzied
    16.01.2025
    My ich užie vyučili za 30 let: tolko nałohi brať sposobny s častnoho biźniesa. Ničieho łukašisty častniku nie davali i nie dadut.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Maładuju biblijatekarku z Horak asudzili za pratesty2

Maładuju biblijatekarku z Horak asudzili za pratesty

Usie naviny →
Usie naviny

«Niejak da jaje padsadzili realnuju varjatku». Byłaja palitźniavolenaja raskazała pra Maryju Kaleśnikavu1

U Banhładeš vajskovy samalot prataraniŭ škołu, u jakoj było šmat dziaciej

Vyznačylisia mahčymyja supierniki biełaruskich kłubaŭ u 3-m raŭndzie kvalifikacyi jeŭrakubkaŭ

Cichanoŭski pakazaŭ svaju treniroŭku32

«Admyła kvateru, a jana kaža: vyjazdžaj». Biełaruska źniała adnapakajoŭku ŭ Minsku, ale haspadynia ŭbačyła «kamunałku» i pieradumała2

Čym kormiać u restaranie nietradycyjnaj biełaruskaj kuchni?2

U Italii admianili vystup rasijskaha dyryžora Valeryja Hierhijeva2

Izrail pačaŭ naziemnuju i pavietranuju apieracyju ŭ centry siektara Haza9

Znoŭ admienieny šerah rejsaŭ u Maskvu, Sankt-Pieciarburh i Kałuhu1

bolš čytanych navin
bolš łajkanych navin

Maładuju biblijatekarku z Horak asudzili za pratesty2

Maładuju biblijatekarku z Horak asudzili za pratesty

Hałoŭnaje
Usie naviny →

Zaŭvaha:

 

 

 

 

Zakryć Paviedamić