U Małarycie zatrymali mužčynu, jaki źniaŭ dziaržaŭny ściah z fasada apteki. Kaža, chacieŭ paviesić na leciščy
Mužčynu vyličyli pa kamierach i chutka zatrymali.
![](http://nashaniva.com/img/w840d4webp1/photos/z_2024_10/ch-z-izf9l.jpg.webp)
Ilustracyjnaje fota
U Małarycie zatrymali mužčynu, jaki źniaŭ dziaržaŭny ściah z budynka apteki.
Kanał siłavikoŭ paviedamlaje, što zatrymanamu 39 hadoŭ. Pa ich viersii, u dźvie hadziny nočy jon jechaŭ pa horadzie i raptam zaŭvažyŭ ściah. Mužčyna spyniŭsia, źniaŭ pałotnišča i pajechaŭ dadomu. Jaho zatrymali ranicaj.
Na videa, apublikavanym milicyjaj, vidać, jak mužčyna zdymaje dreŭka, zhortvaje ściah i adychodzić. Paśla zatrymańnia jon patłumačyŭ, što chacieŭ paviesić ściah na leciščy. Ciapier siłaviki pahražajuć jamu «ŭsioj strohaściu zakona».
Kamientary