Kropla salidarnaści ŭ krainie cynizmu

Polski hit časoŭ «Salidarnaści» staŭ pieśniaj hodu ŭ Biełarusi. Piša Alena Skarabahatava.

Na apošnim etapie hałasavańnia suprać u vynikovym mehatury na «Tuzinie hitoŭ» pieśnia «Aŭtabijahrafija» ŭ vykanańni Ihara Varaškieviča i Lavona Volskaha spaborničała sa «Śviatłom u ciemry» zdarovych łasiej z «IQ48». U vyniku pieśniaj hodu stała «Aŭtabijahrafija», hałoŭny hit polskaha hurtu «Perfect» u biełaruskim varyjancie, a čałaviekam hodu na «Tuzinie» pryznany Michał Aniempadystaŭ: abiedźvie pieśni, jakija dajšli da vyrašalnaha adčapleńnia, napisanyja na teksty aŭtara «Narodnaha Albomu»!

Sam Michał Aniempadystaŭ na prysudžany tytuł reahuje ścipła: «Toje, što apošnija pieśni, jakija zastalisia ŭ vynikovym hit-paradzie, napisanyja na maje teksty, moža, i nahoda, ale nie pryčyna, kab davać mnie «čałavieka hodu». Ja, kaniečnie, małajčyna, ale jość ludzi, jakija b bolš pasavali da «čałavieka hodu».

Što datyčyć «pieśni hodu», jakoj na «Tuzinie» stała «Aŭtabijahrafija» ŭ vykanańni Varaškieviča i Volskaha, – heta adna ź pieśniaŭ supolnaha muzyčnaha prajektu «Solidarni z Bialorusią», jaki byŭ stvorany hetaj viasnoj. Heta byŭ adziny kancert u Varšavie, u jakim brali ŭdzieł lepšyja biełaruskija muzyki i na jakim hučali pieśni 80-ch, što ŭ svoj čas natchniali palakaŭ na zmahańnie za svaju svabodu. Pierakłady piesień, na jakich užo vyhadavałasia nie adna hieneracyja ŭ Polščy, amal što ŭsie byli zroblenyja Michałam Aniempadystavym: «Takaja ideja – praśpiavać pa-biełarusku hetyja viadomyja polskija pieśni 80-ch – uźnikła vielmi daŭno. Kali nie pamylajusia, upieršyniu ja skazaŭ pra heta Robertu Laščynskamu, jaki staŭ «matoram» hetaha prajektu z polskaha boku, jašče ŭ 98-m hodzie, kali ŭ nas byŭ kancert «Narodnaha Albomu» ŭ Biełastoku. I ŭvieś hety čas čakałasia na toje, kab možna było realizavać hety prajekt».

Heta padajecca navat znakavym, što mienavita pieśnia z supolnaha prajektu «Solidarni z Bialorusią» stała pieramožcam hetaha «tuzinoŭskaha» muzyčnaha hodu. Ale Michał Aniempadystaŭ padkreślivaje: «Usio nie vypadkova, i navat nie tamu, što heta pieśnia z taho sakavickaha kancertu – mała chto hladzieŭ abo viedaŭ pra hety kancert. Hetaja pieśnia hurtu «Perfect» była ŭ Polščy vialikim hitom! Pieršatvor, jaki my vykarystali, – varty taho, kab stać pieśniaj hodu i ŭ Biełarusi».

«Aŭtabijahrafija», jakuju vykonvajuć Ihar Varaškievič i Lavon Volski, – całkam adaptavanaja versija nia tolki dla Biełarusi, ale navat dla samich vykanaŭcaŭ. «Kali b my prosta pierakłali hetuju pieśniu, – raspaviadaje Michał, – heta b była nia našaja aŭtabijahrafija, a spadara Markoŭskaha, jaki vykonvaje jaje ŭ «Perfect». My pasprabavali zrabić našuju bijahrafiju, jakaja b adpaviadała našaj rečaisnaści i našamu žyćciu. U pieršapačatkovym varyjancie byŭ radok pra «Beatles», ale Ihar skazaŭ, što jon słuchaŭ «Rolling Stones», – i pierarabili na «Rolling Stones».

Na dumku Michała Aniempadystava, toje, što pieśniu śpiavajuć dźvie kultavyja asoby, Volski z Varaškievičam, – taksama stałasia pryčynaj pieramohi «Aŭtabijahrafii».

Što datykaje pieśni «Śviatło ŭ ciemry», jakaja kryšačku nie daciahnuła da pieramohi, – Michał ličyć, što heta cikavy tvor, nia mienš varty pieramohi.

Što «čałaviek hodu» dumaje nakont formy vynikovaha turu, dzie naviedvalniki hałasavali suprać, jak vyśvietliłasia, časam sami taho nia viedajučy? «Luby hit-parad – heta krychu šoŭ, intryha, – kaža Michał. – Hit-parad robicca nie abaviazkova, kab znajści pieramožcu, a dziela intryhi, spabornictva, kab viesialej było žyć! Lubyja vyniki ŭmoŭnyja».

Darečy, kali b Michału Aniempadystavu dali mahčymaść adnamu vyznačyć pieśniu hodu, pieramahła b lavonavolskaja «Usio roŭna my pieramožam»: «Hetaja pieśnia trapiła ŭ čas, u sens, u nastroj vialikaj kolkaści ludziej!»

• 0
• 0
• 0
• 0
• 0
• 0
• 0
• 0