Brytanija hatovaja, kali spatrebicca, adpravić svaich vajskoŭcaŭ va Ukrainu dla zabieśpiačeńnia vykanańnia mirnaha pahadnieńnia, zajaviŭ premjer-ministr krainy Kir Starmier, piša Bi-bi-si.
Heta pieršy raz, kali brytanski premjer aficyjna zajaŭlaje pra mahčymaść raźmiaščeńnia brytanskich miratvorcaŭ va Ukrainie. Artykuł vyjšaŭ napiaredadni sustrečy jeŭrapiejskich lidaraŭ u Paryžy, jakaja adbudziecca ŭ paniadziełak.
«Brytanija hatovaja adyhrać viadučuju rolu ŭ paskareńni pracy nad harantyjami biaśpieki dla Ŭkrainy. Heta ŭklučaje dalejšuju padtrymku Uzbrojenych sił Ukrainy, na jakuju Vialikabrytanija ŭžo vyłučyła 3 miljardy funtaŭ sterlinhaŭ na hod jak minimum da 2030-ha. Heta taksama aznačaje hatoŭnaść i žadańnie ŭnieści svoj układ u harantavańnie biaśpieki Ukrainy praz uviadzieńnie našych ułasnych vojskaŭ, kali heta budzie nieabchodna», — skazaŭ Starmier.
Premjer pryznaŭ, što adčuvaje adkaznaść za patencyjnuju ryzyku dla brytanskich vajskoŭcaŭ, adnak dapamoha Ukrainie, pavodle jaho, dapamoža ŭmacavać biaśpieku samoj Brytanii i ŭsiaho jeŭrapiejskaha kantynientu.
«Zaviaršeńnie hetaj vajny, kali jano adbudziecca, nia moža stać tolki časovaj pieradyškaj pierad tym, jak Pucin znoŭ napadzie,» — dadaŭ Starmier.
Raniej Starmier tolki namiakaŭ na mahčymaść udziełu brytanskich vojskaŭ u miratvorčaj misii paśla zakančeńnia bajavych dziejańniaŭ. U paniadziełak jon voźmie ŭdzieł u sustrečy jeŭrapiejskich lidaraŭ u Paryžy, dzie budzie abmiarkoŭvacca ŭrehulavańnie vajny va Ukrainie.
Paralelna ŭ Saudaŭskaj Aravii idzie padrychtoŭka da sustrečy aficyjnych asobaŭ Rasii i ZŠA, na jakoj buduć abmiarkoŭvacca mirnaje ŭrehulavańnie i sustreča Donalda Trampa z Uładzimiram Pucinym.
Pieršaja sustreča delehacyj u Er-Ryjadzie projdzie ŭ aŭtorak.
Ad ZŠA ŭ pieramovach voźmuć udzieł: dziaržsakratar Marka Rubia, daradca prezidenta pa nacyjanalnaj biaśpiecy Majkł Uołc, śpiecpasłańnik pa Blizkim Uschodzie Styv Uitkof
Aficyjna heta nie abjaŭlena, ale krynicy paviedamlajuć, što delehacyju moža ŭznačalić ministar zamiežnych spraŭ Siarhiej Łaŭroŭ. Taksama mahčymy ŭdzieł: pamočnika Pucina Juryja Ušakova, dyrektara Słužby źniešniaj raźviedki Siarhieja Naryškina
Ciapier čytajuć
Vylecieła ŭ nieviadomym kirunku śpikierka KR Anžalika Mielnikava22
Kamientary