Zialenski: My ŭ samy składany momant nie pryniali ultymatumu. Nie prymiem i ciapier
Prezident Ukrainy Uładzimir Zialenski paśla sustrečy z prezidentam Turcyi Redžepam Erdahanam u Ankary prakamientavaŭ pieramovy pamiž pradstaŭnikami Maskvy i Vašynhtona, jakija prajšli siońnia ŭ Saudaŭskaj Aravii.
Prezident Ukrainy znoŭ paŭtaryŭ svaju pazicyju, što rašeńnie ab spynieńni vajny nie moža prymacca biez Ukrainy, a sami pieramovy «nie pavinny prachodzić za śpinaj» Kijeva.
«Nie moža być rašeńnia biez Ukrainy, jak zaviaršyć vajnu va Ukrainie. Nas nie zaprašali na hetuju sustreču, na rasijska-amierykanskuju sustreču ŭ Saudaŭskaj Aravii. Dla nas heta było siurpryzam, jak i dla mnohich. Hetuju infarmacyju my atrymali ź miedyja», — skazaŭ Zialenski.
Praviedzienuju ŭ Er-Ryjadzie sustreču Zialenski paraŭnaŭ z ultymatumam, jaki Maskva vystaŭlała ŭ pačatku poŭnamaštabnaha ŭvarvańnia Rasii va Ukrainu (u tym liku pra skaračeńnie kolkaści USU i admovy ad akupavanych Rasijaj terytoryj).
«U mianie takoje ŭražańnie, što ciapier adbyvajucca niejkija pieramovy, i jany z takim ža nastrojem adbyvajucca, ale jany adbyvajucca pamiž pradstaŭnikami Rasii i Złučanych Štataŭ Amieryki. Pra Ukrainu, znoŭ pra Ukrainu i biez Ukrainy.
Cikava, kali my ŭ samy składany momant nie pajšli na ŭsie hetyja ŭltymatumy, adkul takoje adčuvańnie, što ciapier Ukraina na heta pojdzie», — zajaviŭ Zialenski.
Jon dadaŭ, što «nijakich damoŭlenaściaŭ ni padčas akupacyi Kijeŭščyny ruskimi, nijakich damoŭlenaściaŭ padčas sustrečy ŭ Biełarusi, nijakich damoŭlenaściaŭ padčas sustrečy ŭ Turcyi ŭ nas z ruskimi nie było».
«Ja jak prezident Ukrainy nikomu ničoha nie harantavaŭ, nikomu ničoha nie paćviardžaŭ. Tym bolš iści na ultymatumy Rasii nie źbiraŭsia. I nie źbirajusia», — padkreśliŭ Zialenski.
Zaŭtra jon źbiraŭsia jechać u Saudaŭskuju Araviju, ale na toj ža pres-kanfierencyi zajaviŭ, što vizit pieraniesieny na 10 sakavika.
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks30
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary