Ad sakavika viaščańnie «Biełsata» składzie dzieviać hadzin, ź jakich try — načnoje viaščańnie
20 lutaha na supolnym pasiadžeńni Kamiteta pa zamiežnych spravach i Kamiteta pa kultury i ŚMI polskaha Siejma adbylisia słuchańni, pryśviečanyja situacyi na telekanale «Biełsat», paviedamlaje reform.news.
Infarmacyju paviedamlali pradstaŭniki Ministerstva kultury i nacyjanalnaj spadčyny, Ministerstva zamiežnych spraŭ, a taksama hienieralny dyrektar likvidavanaha TVP SA.
U dyskusii ŭdzielničali polskija parłamientaryi, ambasadary i zaprošanyja hości, siarod jakich:
Ahnieška Ramašeŭskaja — byłaja dyrektarka «Biełsata»; pradstaŭniki žurnalisckich arhanizacyj — śpikier Rady nacyjanalnych miedyja Polščy Joana Lichocka i staršynia Sajuza polskich žurnalistaŭ Joałanta Chajdaž; kala dvaccaci deputataŭ Siejma; novyja kiraŭniki «Biełsata» — Michał Braniatoŭski i hałoŭnaja redaktarka biełaruskaj redakcyi Alina Koŭšyk. Słuchańni vioŭ Pavieł Koval, kiraŭnik Kamiteta pa zamiežnych spravach Siejma.
Dziaržaŭny sakratar Ministerstva kultury i nacyjanalnaj spadčyny Maciej Urubiel prezientavaŭ dziejnaść «Biełsata»
Pavodle jaho słoŭ, telekanał naležaŭ polskamu telebačańniu TVP i finansavaŭsia na 65% sa srodkaŭ Ministerstva zamiežnych spraŭ Polščy, na 5% — z vonkavych datacyj, a astatnija vydatki pakryvała polskaje telebačańnie.
Za 18 hadoŭ polski MZS vydatkavaŭ na «Biełsat» 441 młn złotych (u siońniašnich varunkach heta 105,8 młn jeŭra).
Na 2025 hod finansavańnie «Biełsata» zastaniecca niaźmiennym — 54 młn złotych (siońnia 12,9 młn jeŭra), ale hetyja srodki buduć padzielenyja na try častki: «Biełsat», aŭtanomnaje rasijskaje viaščańnie «Vot tak», ukrainskuju słužbu Slawa TV.
Pavodle Urubiela, na «Biełsacie» adbyłasia aptymizacyja i skaračeńnie praźmiernych vydatkaŭ, jakija pa niekatorych pazicyjach dasiahali 40%. Heta palepšyła jakaść prahram i dazvoliła zachavać ich raznastajnaść.
Zachoŭvajecca kolkaść publicystyčnych prahram, pašyrajecca infarmacyjny składnik.
Štat supracoŭnikaŭ skaračajecca z 320 da 260, ź jakich 70 — novyja supracoŭniki ŭkrainskaj redakcyi. Heta aznačaje, što kolkaść supracoŭnikaŭ «Biełsata» i «Vot tak» faktyčna skaračajecca z 320 da 190 (zhodna z danymi Reform.news).
Maciej Urubiel taksama paviedamiŭ, što, pačynajučy z 3 sakavika, startuje viaščańnie troch redakcyj: biełaruskaj, rasiejskaj i ŭkrainskaj.
Viaščańnie redakcyi «Biełsat» składzie 9 hadzin, try ź jakich — heta načnoje viaščańnie, jakoje składajecca z paŭtoraŭ prahram. «Voś tak» budzie viaščać 8 hadzin (2 — nočču), Slawa TV — 7 (1 — nočču).
Taksama ŭvodzicca 2-ch hadzinnaja prahrama ŭ subotu i niadzielu «Ranica ź Biełsatam», a žyvy navinavy vypusk pavialičvajecca z paŭhadziny da hadziny.
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary
Skaračeńnie - heta novaje raźvićcio. Lavončyk užo načyrykaŭ novy post pra toje, jak dobra, što razvalili hety pisaŭski prajekt?