U Niamieččynie pačalisia daterminovyja vybary ŭ Bundestah, jakija pryviaduć da źmieny ŭłady
U Hiermanii prachodziać daterminovyja parłamienckija vybary. Urad idzie ŭ adstaŭku na šeść miesiacaŭ raniej za zapłanavany termin paśla taho, jak Bundestah vynies votum niedavieru kancleru Ołafu Šolcu, a da hetaha raspałasia praviačaja kaalicyja.
Pieramohu na vybarach prahnazujuć kansiervatyŭnamu sajuzu CHDS/CHSS, a zatym jaho lidar Frydrych Mierc maje najlepšyja šancy stać nastupnym kancleram Hiermanii, piša «Jeŭrapiejskaja praŭda».
Čakajecca, što ŭltrapravaja «Alternatyva dla Hiermanii» dasiahnie svajho najlepšaha vyniku i zojmie druhoje miesca.
Pieramoha CHDS/CHSS nie dazvolić błoku samastojna sfarmiravać urad, tamu jamu daviadziecca šukać partnioraŭ dla kaalicyi. Imi mohuć stać sacyjał-demakraty ci «zialonyja» — ci i tyja, i druhija ŭ zaležnaści ad vynikaŭ vybaraŭ.
Čakajecca, što kaalicyjnyja pieramovy buduć składanymi paśla kampanii, jakaja vyjaviła vostryja roznahałośsi adnosna mihracyi i taho, jak pieramahčy siłu ŭltrapravych u krainie.
Heta moža pryvieści da taho, što kancler Ołaf Šolc budzie vykonvać abaviazki kiraŭnika ŭrada jašče niekalki miesiacaŭ.
Vybary 23 lutaha byli abvieščanyja paśla razvału kaalicyi Šolca, jakaja składałasia ź jahonych sacyjał-demakrataŭ, «Zialonych» i libieralnych svabodnych demakrataŭ.
Partyja Šolca SDPH čakaje na hetych vybarach najhoršaha vyniku z časoŭ Druhoj suśvietnaj vajny.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary
Užo Pucinskaja i Trampaŭskaja Alternatyva, na płoščy ich nazyvajuć nacišvajne, a mo nat Zianonaŭskaja? - dakładna raźbiarecca ź mihrantami, jakich siudy Pucin svaimi vojnami nahnaŭ.
Darečy niemcy zusim ińšuju dumku majuć pra rezańnie na płoščach. Tamu budzie tabie Jubierrašunh sieńnia ŭviečary.
Adpišamsia rusiš.