7 сакавіка на ўсіх беларускіх метэастанцыях зноў паставілі тэмпературныя рэкорды
На ўсіх метэастанцыях Беларусі 7 сакавіка, як і ў папярэдні дзень, былі зафіксаваныя тэмпературныя рэкорды, піша «Позірк», прааналізаваўшы аператыўныя і архіўныя даныя Белгідрамета.
Новы абсалютны максімум гэтага дня складае цяпер 19,4 градуса. Ён зарэгістраваны ў Лельчыцах. Ранейшы пратрымаўся 30 гадоў (17,3 у Гомелі ў 1995 годзе).
6 сакавіка экстрэмум быў перавышаны на 2,7 градуса (19,7 у Самахвалавічах супраць 17 у Берасці таксама ў 1995 годзе).
1995 годам датуюцца перакрытыя 7 сакавіка рэкорды на 33 з 48 станцый, архіў якіх даступны.
У Гродне, Лідзе і Навагрудку перапісаныя максімумы, зафіксаваныя ў 1961 годзе, у Вілейцы і Лынтупах — у 1999-м, Баранавічах, Ваўкавыску, Івацэвічах, Нарачы і Пінску — у 2002-м, Брэсце і Высокім — у 2007-м, Мсціславе — у 2017-м (мясцоваму архіву метэаназіранняў менш за 20 гадоў), Пружанах — у 2019-м.
У Верхнядзвінску, дзе было халадней за ўсё (10,7 градуса), паўтораны рэкорд 1995 года.
У Мінску паветра прагрэлася да 15,4 градуса (было 14,6), у Гомелі — да 17,8 (17,3), Брэсце — да 17,1 (14,9), Магілёве — да 16,7 (14,7), Гродне — да 14,6 (11,1), Віцебску — да 14,9 (12,7).
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м38
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1212
Каментары