Adkaznaść za kibierataku na X uziała prapalestynskaja chakierskaja supołka
Adkaznaść za sioniašniuju DDoS-ataku na sacsietku Iłana Maska X uziała na siabie prapalestynskaja chakierskaja supołka Dark Storm Team, piša Newsweek. Mask śćviardžaje, što ataka była «źviazana z IP-adrasami, jakija pachodziać z Ukrainy».
Iłan Mask u efiry Fox skazaŭ, što siońniašniaja kibierataka na sacyjalnuju sietku była «źviazanaja z IP-adrasami, jakija pachodziać z terytoryi Ukrainy». Pa jaho słovach, kančatkovych vysnoŭ pakul niama.
Raniej adkaznaść za DDoS-ataku na siabie ŭziała prapalestynskaja supołka chakieraŭ Dark Storm Team. Hrupa ŭ pieršuju čarhu nakiravana na zachodnija arhanizacyi, uklučajučy ZŠA, Ukrainu, AAE i Izrail.
Za apošni miesiac Dark Storm Team paśpiachova atakavała Mižnarodny aeraport Łos-Andželesa, port Chajfa ŭ Izraili i Ministerstva abarony AAE.
U svajoj zajavie CPR padkreśliła rolu hrupy ŭ destabilizacyi ličbavych płatformaŭ, uklučajučy niadaŭniuju ataku na X, padkreśliŭšy nieabchodnaść uzmacnieńnia kibierbiaśpieki płatformaŭ sacyjalnych sietak, jakija žyćciova važnyja dla hłabalnaj kamunikacyi.
10 sakavika Mask zajaviŭ pra maštabnuju kibierataku na Ch. Zhodna infarmacyi na sajcie Downdetector, pieršyja zboi ŭ pracy sacsietki siońnia pačalisia kala 11 ranicy, najbolšuju kolkaść prablem zaŭvažyli kala 17 i 20 hadziny pa jeŭrapiejskim časie.
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda15
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary