Pieršym kandydatam na pasadu hałoŭnaha treniera chakiejnaj zbornaj źjaŭlajecca Michaił Zacharaŭ, zajaviŭ žurnalistam novy staršynia Fiederacyi chakieja Biełarusi Jaŭhien Vorsin.
«Druhija kandydatury — heta ŭsio toje, što jość lepšaje u nas, — skazaŭ Vorsin. — Toj ža Andryjeŭski, jon jak by na słychu. Cypłakoŭ — jon nie pracavaŭ sa zbornaj kamandaj. Andryjeŭski taksama, u jaho vopytu niama pracy sa zbornaj. Zaprašać ciapier z boku treniera naŭrad ci maje sens. Tamu vybar vielmi abmiežavany. Ale što heta budzie za trenier, my pavinny abmierkavać».
Pavodle słoŭ Vorsina, z trenierskim składam treba abyścisia vielmi ŭzvažana, »bo za dva miesiacy napiaredadni čempijanatu śvietu nadać kamandzie novy styl hulni naŭrad ci mahčyma navat dla samych vialikich trenieraŭ». «Naładzić niejkija dziejańni ŭ abaronie, atacy možna, ale ja zaŭsiody ličyŭ, što kamanda — heta žyvy arhanizm. Tam usio pavinna być uzajemaźviazana, tam nie pavinna być antypatyj pamiž hulcami i trenierami. I kali znojdzieny bałans intaresaŭ, uzajemaadnosinaŭ pamiž hulcami i trenierami, heta zaŭsiody dobra.
Tamu štości łamać naŭrad ci treba», — adznačyŭ kiraŭnik FCHRB.
U toj ža čas jon ličyć, što ŭ čas padrychtoŭki da majskaha čempijanatu śvietu »patrebna niejkaja karekcyja, kab kamanda sabrałasia razam i chacia b u sparynhach vyznačyła svaju taktyku». «U hrupie my pavinny ŭ abaviazkovym paradku abyhryvać Kazachstan. Jak hulali słavaki ŭ plej‑of vy bačyli. Heta dobraja kamanda, i ź joju treba ličycca. Rasija paśla takoha bolevaha šoku zrobić usio, kab reabilitavać siabie na čempijanacie śvietu. Hrupa ŭ nas vielmi surjoznaja», — padkreśliŭ Vorsin.
Na jaho dumku, biełaruskaj zbornaj »pa siłach być u vaśmiorcy».
«Ja miarkuju, što heta naša miesca — vośmaje.
Što dalej — vy bačycie, jak u Kantynientalnaj chakiejnaj lizie zaviedamyja lidery zastalisia za bortam plej‑of, a sieradniački abo tyja, chto ź ciažkaściu prabiŭsia ŭ plej‑of, zmahajucca za miedali», — skazaŭ kiraŭnik fiederacyi.
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ3
Kamientary