Kačku bačyli ŭ Ślapianskaj vodnaj sistemie, kala vulicy Kłumava. Jak vyśvietliłasia, na paranienuju ptušku źviarnuli ŭvahu jašče ŭ kancy lutaha, piša Onliner.by.
Zimoj jaje fota źjaviłasia ŭ tematyčnym telehram-čacie «Ciŭ-Ciŭ». Na miesca pryjazdžali ratavalniki, pradstaŭniki administracyi, vałanciory — ale złavić kačku nie ŭdałosia: zrabić heta składana. Ptuška pa-raniejšamu płavaje ŭ kampanii inšych.
Situacyju prakamientavała kiraŭnica centra dapamohi dzikim žyviołam «Siryn» Iryna Trajanoŭskaja:
— Nasamreč tam dźvie kački z padobnym paškodžańniem. I ja liču, što leźci da ich nie varta. Drocik, jak pakazaŭ čas, nie pieraškadžaje im žyć, i adčuvajuć jany siabie narmalna. Viadoma, chaciełasia b napisać zajavu, kab znajści taho, chto stralaje takimi drocikami. Ale, znoŭ ža, kamier niama, infarmacyi pra toje, chto heta moh być, taksama niama.
Ciapier čytajuć
Paśla vystupleńnia Łuhanskaha teatra ŭ Minsku adna z hladačak vyhuknuła «Słava Ukrainie!»6
Kamientary