Ryełtarka z Tomska raskazała pra «biznes-płan», jak žančynie chutka nabyć kvateru. Z-supolnaść u abureńni
U rasijskich Z-kanałach zavirusiŭsia rolik, u jakim ryełtarka z Tomska Maryna Arłova dzielicca vopytam sa svajoj praktyki, jak niekatoryja rasijskija žančyny znachodziać srodki dla vyrašeńnia svajho žyllovaha pytańnia. Hety «biznes-płan» nie ŭsim padabajecca.
«Ciapier mužčyna, jaki słužyć na SVA [eŭfiemizmam «śpiecyjalnaja vajennaja apieracyja» (SVA) u Rasii nazyvajuć vajnu va Ukrainie. — NN], jon hinie i ty atrymlivaješ 8 miljonaŭ [kala 94 tysiač dalaraŭ — NN]» — viesieła śmiajecca žančyna na roliku.
Na pytańnie, nakolki raspaŭsiudžanaja takaja praktyka, jana ŭpeŭniena adkazvaje:
«Viadoma, ciapier mnohija tak robiać. Vielmi šmat žančyn da nas prychodzić z hetymi 8-miu miljonami i kuplajuć niejkuju tam tańnieńkuju tam kvaterku».
Ci šukajuć žančyny paśla taho novaha muža ź liku vajskoŭcaŭ, kab u pierśpiektyvie kupić i bolš darahoje žytło, žančyna nie viedaje, ale źbirajecca spytać. I nazyvaje taki padychod nie tolki «pracoŭnaj schiemaj», ale i «biznes-płanam».
Aŭtaraŭ Z-kanałaŭ, jakija ŭsialak uchvalajuć i ramantyzujuć vajnu va Ukrainie, hety rolik raźjušyŭ, jany nie chavajuć svajho abureńnia.
Adzin ź ich śćviardžaje, što «za takoje pavinny być artykuł i termin. A jašče z takim pavinna raźbiracca hramadzianskaja supolnaść. I ŭłady, mać ich, nie pavinny joj pieraškadžać».
Inšy havoryć, što žančyna nahavaryła «adrazu na niekalki artykułaŭ», i što «žančyn, jakija «karystalisia» takoj schiemaj, taksama varta pravieryć. Ciahnie na machlarstva sa złačynnym namieram». Asabliva tema «čornych udoŭ», maŭlaŭ, saśpieła i pieraśpieła ŭ tak zvanych «ŁNR» i «DNR». A kab hetamu supraćstajać, treba mianiać zakanadaŭstva: «tyja, jakija znoŭ vyjšli zamuž, nie pavinny atrymlivać pravy na majomaść i hrašovyja srodki vajskoŭcaŭ u pieršyja paŭhoda. Heta minimum».
«Darečy, ja viedaju takich «žonak», jakija pasucca ŭ mutnych čacikach i jakich cikavić tolki adno: vypłaty. Im plavać na sužonca, u jakoha status «źnik bieź viestak»: jany litaralna asadžajuć usich i kožnaha, kab cieła terminova evakuiravali i pa statusie 200 atrymać naležnuju vypłatu. Paviercie, takich kuryc niamała. Schiema sapraŭdy pracoŭnaja…», — aburajecca treci.
Paśla taho, jak videa nabyło šyrokuju papularnaść, ryełtarka Maryna Arłova zakryła svaje staronki ŭ sacsietkach.
Zahinuła vajennaja karespandentka rasijskaha Pieršaha kanała Hanna Prakofjeva
Va Ukrainie zahinuŭ prapahandyst z rasijskich «Iźviestij»
USU paviedamili pra hibiel 30 rasijskich vajskoŭcaŭ u vyniku ŭdaru pa Kurskaj vobłaści
Na vajnie va Ukrainie ŭpieršyniu zahinuŭ rasijski vajskoviec 2007 hoda naradžeńnia
U adnym z rasijskich haradoŭ cynkavyja truny i čornyja pakiety dla miortvych ciełaŭ vykidajuć prosta na śmietnik
Ciapier čytajuć
Chto staić za pravakatyŭnaj supołkaj DoŁHB? Zdajecca, niepałochanyja školniki5
Kamientary