U ciopłuju paru hoda ŭ Minsku pačnuć pracu bolš za 1100 abjektaŭ vuličnaha handlu. Pra heta raspaviała načalnica hałoŭnaha ŭpraŭleńnia handlu i pasłuh Minharvykankama Alena Nahornaja, piša Onliner.by.
Da takich abjektaŭ adnosiacca letnija kaviarni i terasy, pałatki, kijoski i paviljony. Jany buduć raźmiaščacca jak pobač z kafe i mahazinami, tak i ŭ haradskich parkach i na plažach.
— Pry dobrym nadvorji siezon startuje ŭžo 1 maja, ale niekatoryja ŭstanovy pačali ŭstaloŭvać letnija placoŭki zahadzia, — adznačyła Nahornaja.
Taksama praciahnuć pracu strytfud-placoŭki.
24 krasavika na svaim zvykłym miescy adkryjecca «Piasočnica»,
1 maja — «Najlepšaja vulica» i Lidbeer Dvor, jaki pierajechaŭ na novy adras — pr. Niezaležnaści, 58.
Jašče adzin fud-kort źjavicca ŭ parku na «Paŭnočnym Bierazie».
Tradycyjny haradski piknik Vulitsa Ezha hetym razam časova pierajedzie z Bataničnaha sada — ciapier razhladajecca varyjant Łošyckaha parka.
Na plažach płanujuć ustalavać 93 handlovyja kropki, a ŭ parkach — 155. Ź ich: 33 buduć ź ježaj i napojami, 60 — z tavarami, 62 — z roznymi pasłuhami.
Park Horkaha u hetym siezonie ŭ raźlik nie biarecca — tam idzie rekanstrukcyja.
Praciahniecca i prodaž aharodniny z sadavinoj — budzie pracavać 170 pałataŭ i paviljonaŭ, što na 9 bolš, čym letaś.
Ciapier čytajuć
«U takuju ž haleču, dy jašče i chałodnuju, pakistancy nie pajeduć». Biełarus piać tydniaŭ pravioŭ u Pakistanie — voś što jaho ŭraziła16
Kamientary