Ketryn Eštan chutka vučycca. Ale što za zamiežnuju palityku jana maje prasoŭvać? Piša Jan Marcin.
Kali Ketryn Eštan niečakana była abranaja na pasadu pieršaha ministra zamiežnych spravaŭ Jeŭrapiejskaha Sajuza, kazali, što joj nie chapaje dośviedu ŭ samych asnovach dypłamatyi.
Jana, biezumoŭna, chutka vučycca.
Francuzskija čynoŭniki nieadnarazova sprabavali źniasłavić jaje i spravakavać reakcyju. Apošniaja takaja sproba mieła miesca ŭ pačatku hetaha tydnia i palahała ŭ śćvierdžańni, što joj varta viarnucca ŭ škołu, kab palepšyć svaju francuzskuju. Zamiest taho kab adkazać na zakid abrazaj, jana adrazu pryniała prapanovu Pjera Leluša. Jana praviadzie tydzień u jakaści hościa ŭ Mižnarodnaj arhanizacyi frankamoŭnych krain.
Baranesa Eštan skazała The Times: «Ja źbirajusia ŭ Avińjon, jaki źjaŭlajecca cudoŭnym miescam dla… Jak vy ŭžo zaŭvažyli, ja razumieju francuzskuju vielmi dobra. Ciažej tolki ź niekatorymi techničnymi terminami».
Ale mini‑skandał z nahody moŭnych navykaŭ — jaje najmienšaja prablema z času zakančeńnia składanych pieramovaŭ nakont ratyfikacyi Lisabonskaj damovy.
Kali jana nie pajechała na Haici paśla niadaŭniaha ziemlatrusu, to sutyknułasia z krytykaj. Hetyja sprečki pakidajuć u cieni naradžeńnie arhanizacyi, jakuju jana ŭznačalvaje, — zamiežnapalityčnaha viedamstva Jeŭrasajuza (EEAS). Jano maje dypłamatyčny korpus i vykonvaje funkcyi ministerstva zamiežnych spravaŭ, prapisanyja ŭ Lisabonskaj damovie. Hetaje viedamstva navat maje svaju ŭłasnuju słužbu vyviedki, chacia naŭrad ci heta supiernik dla CRU. U EEAS krychu bolš za sto słužbovych asobaŭ ź dziaržavaŭ‑čalcoŭ zirajucca razam, kab abmieńvacca vyviednickimi dadzienymi. Ale varta čakać taho, što francuzskija Upraŭleńnie zamiežnaj biaśpieki, Centralnaje ŭpraŭleńnie ŭnutranaj vyviedki i MI‑6 i MI‑5 Vialikabrytanii buduć praciahvać dzialicca dadzienymi vyviedki tak, jak im budzie zručna, tolki pamiž saboj, biez patreby ŭ arhanizacyi baranesy Eštan.
ES, vidavočna, hrebuje najvažniejšym kampanientam paśpiachovaj palityki ŭ hetaj halinie: hatoŭnaść vykarystoŭvać surjoznuju siłu dla dasiahnieńnia zamiežnapalityčnych metaŭ. Spytajcie ŭ amierykancaŭ u Afhanistanie.
Ale pa‑za ŭsim hetym supiernictvam pytańnie zastajecca: dla čaho pryznačany hety novy palityčny miechanizm? Što ž heta za zamiežnaja jeŭrapiejskaja palityka?
Ciažka zrazumieć. Zamiežnaja palityka skiravanaja na prasoŭvańnie i abaronu niejkich intaresaŭ. Časta heta intaresy nacyjanalnyja, ale nie zaŭsiody (jak vialikija kalektyŭnyja vysiłki NATA pačynajučy ad jaho naradžeńnia paśla Druhoj suśvietnaj vajny).
Ci prapanujuć baranesa Eštan jaje viedamstva što‑niebudź ekvivalentnaje? Niejkaha peŭnaha adkazu da hetaha času, zdajecca, niama, ale pakul jana znachodzicca ŭ centry ŭvahi, joj, maŭlaŭ, varta było b pakłapacicca pra niaščasnych, jakija stali achviarami roznych biedstvaŭ. Krytyki baranesy Eštan padychodziać da prablemy nie z taho kanca: kinucca na Haici abo miesca nastupnaj katastrofy było b nasamreč nieskładana.
-
«Bolšaja častka siadzić sumlenna, ale cicha». Pavieł Vinahradaŭ pra palitviaźniaŭ, čyje proźviščy nieviadomyja
-
Polski dypłamat raskazaŭ, jak Łukašenka ŭmieje «ačaroŭvać surazmoŭcaŭ» i chto robicca jahonymi achviarami
-
«Dyk što vam jašče treba, šanoŭnyja kiraŭniki EHU?» Sieviaryniec zaklikaŭ biełarusizavać univiersitet, pakul nie pozna
Prapahandysty zapeŭnivajuć, što 196 palitviaźniaŭ užo na svabodzie9
Kamientary