Na vybarach u Rumynii za vychad u druhi tur zmahajucca nacyjanalist, libierał i kansiervatar
U adsutnaść Kelina Džardžesku, prezidenckija vybary 4 maja nabyli typovy dla Jeŭropy charaktar.
Apytańni hramadskaj dumki staviać na pieršaje miescy Džordže Simijona, staršyniu pravaha i nacyjanalistyčnaha Aljansa za jadnańnie rumynaŭ (Alianța pentru Unirea Românilor).
38-hadovy Simijon, jaki adnosna niadaŭna źjaviŭsia na palityčnaj arenie, vystupaje za abjadnańnie Rumynii i Małdovy. U astatnim jahonyja palityčnyja pohlady blizkija da tych, jakich trymajucca Džordža Miełoni i «Alternatyva dla Hiermanii». Temaj jahonaj mahistarskaj pracy byli «Złačynstvy kamunistyčnaha režymu».
Za vychad u druhi tur zmahajucca taksama dva pravacentryskija kandydaty. Heta Kryn Antaniesku i Nikušor Dan.
Kansiervatara Antaniesku padtrymlivaje ŭradavaja kaalicyja, što składajecca ź levacentrystaŭ sacyjał-demakrataŭ, pravacentrystaŭ z kansiervatyŭnaj Nacyjanał-libieralnaj partyi (NŁP) i partyi vienhierskaj nacyjanalnaj mienšaści. 65-hadovy Antaniesku raniej uvachodziŭ u NŁP i byŭ śpikieram Sienata, jon pravieranaja fihura na rumynskim palityčnym poli.
55-hadovy Dan — prymar, heta značyć mer stalicy krainy, Bucharesta. Dan raniej uznačalvaŭ libieralny Sajuz za ŭratavańnie Rumynii (SUR), adnak na vybary idzie jak niezaležny i antymejnstrymavy kandydat.
Na čaćviortaje miesca sacyjołahi staviać byłoha premjera Viktara Ponciu. Raniej jon uznačalvaŭ sacyjał-demakratyčnuju partyju, paśla stvaryŭ centrysckuju palityčnuju siłu.
Tolki piataj hetym razam idzie Elena Łaskoni ad SUR, jakaja na vybarach 2024 hoda vychodziła ŭ druhi tur razam z Kelinam Džardžesku.
Džardžesku pieramoh u pieršym tury prezidenckich vybaraŭ, nabraŭšy 22.94% hałasoŭ, jon pavinien byŭ pazmahacca za prezidencki post u druhim tury. Adnak Kanstytucyjny sud skasavaŭ vyniki pieršaha tura z-za zamiežnaha ŭmiašańnia ŭ vybarčy praces. Pavodle danych śpiecsłužbaŭ, za Džardžesku ŭ tyktoku ahitavali dziasiatki tysiač botaŭ, jakich źviazvajuć z Kramlom.
Džardžesku vystupaŭ za padzieł Ukrainy miž susiednimi dziaržavami i apraŭdvaŭ dziejańni rumynskich fašystaŭ-lehijanieraŭ časoŭ Druhoj suśvietnaj.
U achoŭnika Džardžesku śledčyja znajšli 1,5 miljona dalaraŭ najaŭnymi pad parkietam. Jašče 7,2 miljony jon z bratam atrymaŭ z Afryki na rachunki.
Były bajec Zamiežnaha lehijona, achoŭnik Džardžesku Haracyu Potra pracavaŭ najomnikam u Afrycy i raptam pajšoŭ u palityku. Jaho nazyvajuć taksama «rumynskim Pryhožynym». Z pačatku 1990-ch hadoŭ Potra byŭ u afrykanskich i arabskich krainach zamiežnym lehijanieram, ciełaachoŭnikam, načalnikam achovy, vajennym instruktaram. Zatym uznačaliŭ hrupu rumynskich najomnikaŭ nakštałt PVK «Vahnier». U vieraśni minułaha hoda, pierad vybarami, jon lotaŭ u Maskvu.
Da ŭdziełu ŭ pieravybarach Kelina Džardžesku nie dapuściŭ CVK.
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary