Ustupiŭ u siłu novy zakon ab paradku ŭjezdu i vyjezdu ź Biełarusi

Novy zakon ab paradku ŭjezdu i vyjezdu ź Biełarusi ŭstupiŭ u siłu 30 sakavika.

Novy zakon pryjšoŭ na źmienu raniejšamu, jaki byŭ zaćvierdžany jašče ŭ 1993 hodzie. Z taho času ŭ respublicy i za jaje miežami adbylisia značnyja źmianieńni, u tym liku ŭ hramadskaj śviadomaści. Usio heta zapatrabavała karekcirovak i ŭ pahraničnym zakanadaŭstvie. Rabota nad prajektam novaha zakona viałasia z 2004 hoda, i Dziaržpahrankamitet prymaŭ aktyŭny ŭ hetym udzieł.

Akramia bolš dakładnaha rehulavańnia, naprykład, pracedury časovaha abmiežavańnia prava na vyjezd za miažu, dakumient źmiaščaje i niekatoryja całkam revalucyjnyja pałažeńni.

Adno ź ich — heta mahčymaść dla niepaŭnaletnich biełaruskich hramadzian vyjazdžać za miažu ŭ supravadžeńni adnaho z zakonnych pradstaŭnikoŭ biez dakumientalna paćvierdžanaj zhody druhoha. Naprykład, u maci, jakaja jedzie za miažu sa svaim dziciem, supracoŭniki orhanaŭ pahransłužby nie buduć patrabavać najaŭnaści pry sabie zhody baćki abo paćviardžalnych dakumientaŭ ab jaho adsutnaści. Kali ž adzin z baćkoŭ suprać adpraŭki dziciaci za miažu, to jon maje prava źviarnucca ŭ sud z zajavaj ab vyznačeńni inšaha paradku vyjezdu niepaŭnaletniaha ź Biełarusi. Źviestki ab takim dziciaci buduć uklučacca ŭ bank danych ab hramadzianach, prava na vyjezd jakich ź Biełarusi časova abmiežavana.

U cełym u zakonie detalova prapisany asablivaści vyjezdu z krainy niepaŭnaletnich, u tym liku jakija majuć status dziaciej‑sirot abo dziaciej, jakija zastalisia biez apieki baćkoŭ. Rehłamientavany ich vyjezd na lačeńnie, azdaraŭleńnie abo kansultacyi. U zakonie nazvany pieralik dakumientaŭ, što paćviardžajuć status zakonnaha pradstaŭnika dziaciej, a taksama chto moža zaśviedčvać piśmovuju zhodu.

Akramia taho, novym zakonam vyznačany paradak vykanańnia rašeńnia ab časovym abmiežavańni prava hramadzian na vyjezd z krainy

U narmatyŭnym akcie ŭstanoŭleny adzinyja padstavy dla časovaha abmiežavańnia prava biełaruskich hramadzian na vyjezd z respubliki. Vyjezd moža być časova abmiežavany, naprykład, kali hramadzianin maje źviestki, jakija składajuć dziaržaŭnuju tajnu, źjaŭlajecca padazronym abo abvinavačvanym pa kryminalnaj spravie, kali jamu pradjaŭleny hramadzianski isk u sudzie. U liku padstaŭ taksama nievykanańnie biez uvažlivych pryčyn majomasnych, padatkovych, alimientnych abaviazacielstvaŭ. Prava na vyjezd moža być abmiežavana, kali hramadzianin źjaŭlajecca daŭžnikom pa spravie ab ekanamičnaj niepłaciežazdolnaści. Da hetaha śpisa adniesiena i ŭchileńnie ad jaŭki na mierapryjemstva pa pryzyvu na vajennuju słužbu. Adnak ciapier hetyja padstavy stanuć fakultatyŭnymi i rašeńnie ab uklučeńni ŭ bank danych hramadzian, jakim časova abmiežavany vyjezd za miažu, budzie prymacca indyvidualna adnosna kožnaha kankretnaha čałavieka.

Ciapier u hetym banku danych źmiaščajucca źviestki bolš jak ab 100 tys. biełarusaŭ. U adpaviednaści z novym zakonam dziaržaŭny orhan abo inšaja jurydyčnaja asoba (ich pieralik dakładna ŭstanoŭleny zakonam), jakaja pryniała rašeńnie ab časovym abmiežavańni prava hramadzianina na vyjezd ź Biełarusi, nie paźniej jak za adzin dzień z daty pryniaćcia takoha rašeńnia pavinna nakiravać hramadzianinu adpaviednaje paviedamleńnie. Takoje ž paviedamleńnie budzie nakiroŭvacca i ŭ vypadku źniaćcia abmiežavańnia.

Razam z tym u šerahu vypadkaŭ pakinuć miežy Biełarusi zmohuć i tyja hramadzianie, źviestki pra jakich źmiaščajucca ŭ banku danych. Vyjezd im moža być dazvoleny na peŭny termin u suviazi ź nieabchodnaściu terminovaha lačeńnia, abo ŭdziełu ŭ kryminalnym pracesie za miežami respubliki, abo ŭ suviazi ź ciažkaj chvarobaj, śmierciu blizkaha svajaka, jaki pražyvaje za miažoj.

U cełym novy zakon nakiravany na zabieśpiačeńnie kanstytucyjnaha prava hramadzian svabodna pakidać Biełaruś i bieśpieraškodna viartacca nazad. Pry jaho raspracoŭcy vykarystoŭvaŭsia vopyt Hiermanii, Šviecyi, ZŠA, Francyi, dziaržaŭ SND, a pałažeńni dakumienta adpaviadajuć ahulnapryznanym mižnarodnym normam

• 0
• 0
• 0
• 0
• 0
• 0
• 0
• 0