Łukašenka — patryjarchu Kiryłu: My starajemsia zapavietaŭ Hospada nie parušać u Biełarusi
Alaksandr Łukašenka raspavioŭ kiraŭniku RPC, što zaŭsiody kamuści niešta nie cierpicca, ale jon praciahvaje pracavać z Božaj dapamohaj.
Alaksandr Łukašenka zapeŭniŭ patryjarcha Kiryła, što jon starajecca nie parušać zapaviety Hospada ŭ Biełarusi.
Na sustrečy z kiraŭnikom RPC Łukašenka parazvažaŭ ab niespakojnaj situacyi vakoł Biełarusi.
«Jašče raz dziakuj vam za toje, što vy znajšli mahčymaść na vielizarnaj terytoryi Ruskaj pravasłaŭnaj carkvy naviedać Biełaruś. Ja ŭpeŭnieny, što sapraŭdy ŭ vašym sercy Biełaruś. Upeŭnieny, što vy addajacie naležnaje spakoju i cišyni, u jakoj raźvivajecca naša kraina.
Chacia, vy bačycie, jak byvała heta raniej, i navat na našaj z vami pamiaci — nie ŭsio spakojna vakoł Biełarusi. Zaŭsiody kamuści niešta nie daje spakoju. Ale my starajemsia prykazańniaŭ Hospada nie parušać u Biełarusi. Tamu nam udajecca realizoŭvać hetyja [pačynańni i pamknieńni] i žyć bolš-mienš spakojna», — skazaŭ Łukašenka.
Jon dadaŭ, što biełarusy nie vielmi bahatyja, ale jak-niebudź zarablajuć z Božaj dapamohaj.
«Nie skažu, što my vielmi bahatyja. Chto jak moža, jak zarablaje z dapamohaj Hospada. Ale kali sam pracuješ, Hospad dapamahaje, my i hetuju zapaviedź pomnim», — adznačyŭ Łukašenka.
Kirył u adkaz parazvažaŭ, «jak pacharašeła Biełaruś pry Łukašenku».
«Vialikija źmieny ŭ žyćci krainy, i nie tolki ekanamičnyja, nie tolki ŭ dabrabycie naroda, ale i ahulnaja atmaśfiera. I ŭsio heta pry vašym kiravańni. I, ja dumaju, mnohija rečy byli vynikam vašaha takoha tvorčaha ŭjaŭleńnia — jakoj pavinna być kraina, narod. Usio heta sapraŭdy realizujecca na karyść Biełarusi», — zajaviŭ Kirył.
Jon taksama padkreśliŭ, što «źjaŭlajecca patryjarcham usioj Rusi, u tym liku i Biełarusi».
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary
Darečy jak i tvoj sieńniašni vizavi. Taksama vielmi pabožny čałaviek, vielmi
Narcyz, jaki ličyć siabie vyšej za Boha.
Asoba jakaja nie maje i nie mieła nikoli a ni kropli lubovi da ludziej i čałaviectva.