Redakcyja mieścicca na placy Kalinoŭskaha, 1a i vydajecca niebieźviadomym Alaksandram Ułasavym. Znajści hazetu možna praz znajomych
Siońnia ŭ paštovyja skrynki trapiŭ 34-y numar samvydataŭskaj hazety "Svaboda", jakaja, jak paznačana ŭ vychodnych źviestkach, mieścicca na placy Kalinoŭskaha, 1a i redahujecca niebieźviadomym Alaksandram Ułasavym.
Siarod najbolš cikavych materyjałaŭ numaru – chronika padziejaŭ 1 vieraśnia, kali školniki pieršymi vystupili ŭ abaronu biełaruskaj movy. Apytańnie na temu: "Navošta ŭ Biełarusi adnoŭlena "Linija Stalina"? U apytańni poruč ź viadomymi ŭ krainie historykami pa prablemie vykazvajucca i prostyja ludzi.
Jość ahlad śviežych biełaruskich i mižnarodnych navinaŭ pad nazvaj "Čaho nie pakazvaje BT", dzie źmieščany roznyja materyjały: ad zvarotu Milinkieviča da ahladu ŭkrainskich navinaŭ.
U rubrycy "Biełaruś – Rasieja" intryhuje zahałovak "Ci paprosić P.Jakubovič prabačeńnia va Ŭ.Pucina?".
Tutsama materyjał pra mahčymyja košty na rasiejski haz naleta.
Aleś Kaniučyc ahladaje śviežaju dziaržaŭnuju presu: ad "Narodnaj haziety" da "Litaratury i mastactva".
Aleh Abłažej na prykładzie pank-kultury robić paraleli miž siońniašniaj RB i BSSR tryccacihadovaj daŭniny.
Znajści hazetu možna praz znajomych.
Kamientary