Śpikier litoŭskaha parłamienta zaklikaŭ nie paharšać umovy dla biełarusaŭ u Litvie
Novaabrany śpikier litoŭskaha parłamienta Saŭlus Skviarnialis sustreŭsia sa Śviatłanaj Cichanoŭskaj i abmierkavaŭ pytańnie chutkaha zaviaršeńnia ŭ Biełarusi kampanii pa pieraabrańni Łukašenki, a taksama stanovišča biełaruskaj dyjaspary ŭ Litvie. Pa vynikach sustrečy jon zrabiŭ niekalki važnych zajaŭ.
Saŭlus Skviarnialis ličyć, što praces, jaki ciapier prachodzić u Biełarusi i maje skončycca 26 studzienia, nielha nazyvać vybarami.
«Samy hałoŭny pasył zaklučajecca ŭ tym, što nielha nazyvać praces, jaki budzie adbyvacca ŭ Biełarusi, vybarami. Nie treba bolš čakać, pakul adbudziecca hety fars, a potym prymać niejkija palityčnyja rašeńni. Zahadzia možna mierkavać, što heta nie maje nijakaha dačynieńnia da vybaraŭ», — zajaviŭ śpikier litoŭskaha Siejma.
Kamientujučy prapanovu ŭrada ab praciahvańni dziejańnia nacyjanalnych sankcyj suprać hramadzian Rasii i Biełarusi jašče na hod, da 2 maja 2026 hoda, Saŭlus Skviarnialis zajaviŭ, što nie bačyć nieabchodnaści va ŭzmacnieńni ich strohaści.
Pavodle słoŭ palityka, nieabchodna zachavać ciapierašni status-kvo, kab biełarusy, jakija žyvuć ciapier u Litvie, mahli budavać płany na budučyniu i lepš intehravacca ŭ žyćcio dziaržavy.
«Ja liču, što treba zachavać status-kvo. Siońnia my [sa Śviatłanaj Cichanoŭskaj] havaryli pra toje, što ŭžo jość niekatoraja napružanaść z nahody rašeńniaŭ, pryniatych u dačynieńni da tych ludziej, jakija biehli siudy ad režymu i pieranieśli siudy svoj biznes», — zajaviŭ Saŭlus Skviarnialis žurnalistam u Siejmie ŭ aŭtorak.
«Takaja niezrazumiełaja traktoŭka isnuje z-za staŭleńnia da ich samich — my nibyta i zaprasili da pieranosu biźniesu, asabliva jaki stvaraje vysokuju dadatkovuju vartaść, ciapier kažam, što moža nie nadta jany nam i patrebnyja», — kaža palityk.
Kiraŭnik parłamienta pierakanany, što, kali b biełaruskija ŭciekačy ad režymu bačyli svaju budučyniu ŭ Litvie, to ich intehracyjnyja pracesy taksama praciakali b značna chutčej.
«Usio ž taki taja supolnaść, jakaja tut, kali b jana bačyła doŭhaterminovuju pierśpiektyvu, to intehracyjnyja pracesy — vyvučeńnie litoŭskaj movy, intehracyja ŭ naša hramadstva, byli b lahčejšymi. Kali niama jasnaści, davodzicca žyć na valizkach, to taja intehracyja sapraŭdy nie moža być paśpiachovaj», — skazaŭ Skviernialis.
Biełaruskaja biznes-łedzi, jakaja žyvie ŭ Litvie, uklučyła navahodni zvarot Łukašenki. I adchapiła ŭ sacsietkach
Litoviec sprabavaŭ trapić u Biełaruś pa pašparcie siabra. Vyjaviłasia, heta psieŭdamiljanier, jakoha ŭ Litvie abvinavačvajuć u machlarstvie
Pamior były mitrapalit Litvy Chryzastom — adziny archijerej RPC, jaki publična pryznaŭ fakt supracy z KDB
Biełarusy stali mieniej jeździć u Litvu — statystyka
Nielehalnych mihrantaŭ na miažy Litvy ź Biełaruśsiu nie fiksujuć užo 15 dzion
Łukašenkaŭcy ŭpieršyniu za doŭhi čas pakazali Viktara Babaryku27
Kamientary
Na jakoj movie havaryli?