Kala miljarda płaniet Mlečnaha Šlachu mohuć mieć «ziamnyja» ŭmovy

Nie mienš za 3,5% zorak našaj Hałaktyki mohuć mieć padobnyja da Ziamli płaniety, jakija składajucca ź ćviordych hornych parod, — heta składaje prykładna miljard śvietaŭ, nievialikaja častka jakich moža być zasielenaja žyvymi arhanizmami,

Vyjaŭleńnie płaniet za miežami Soniečnaj sistemy źjaŭlajecca ŭsio jašče ekstraardynarnaj astranamičnaj zadačaj, a vyjaŭleńnie nievialikich płaniet, supastaŭnych pa svaich paramietrach ź Ziamloj, — zadača, nie vyrašanaja da siońnia. Niahledziačy na toje, što astranomy ŭžo vyjavili ŭ kosmasie niekalki tak zvanych supier-Ziemlaŭ — płaniet, jakija majuć padobnuju da Ziamli budovu, ale bolšyja masy i pamiery, ad masavaha adkryćcia nievialikich płaniet astranomaŭ adździalajuć jašče dziesiacihodździ ŭdaskanaleńnia astranamičnych mietadaŭ i instrumientaŭ.

Tym nie mienš, hrupa navukoŭcaŭ na čale z Džejem Farychi ź Lesterskaha univiersiteta ŭ Vialikabrytanii pakazała, što našaja hałaktyka Mlečny Šlach moža źmiaščać šmat płaniet, padobnych pa budovie da Ziamli, i častka ź ich, zychodziačy z čysta statystyčnych mierkavańniaŭ, niepaźbiežna pavinnaja mieć umovy, nieabchodnyja dla ŭźniknieńnia žyćcia.

U svajoj pracy navukoŭcy źviarnuli ŭvahu na śpiektr śviačeńnia asablivaha kłasu zorak — biełych karlikaŭ, jakija źjaŭlajucca, zhodna z sučasnymi ŭjaŭleńniami astranomaŭ, adnoj z apošnich stadyj evalucyi luboj zorki, padobnaj da našaha Sonca pa masie. U pracesie svajoj evalucyi takija zorki prachodziać spačatku stadyju čyrvonaha hihanta, padčas jakoj ich dyjamietr moža pavialičycca ŭ 200 razoŭ.

Adbyvajecca heta ad taho, što ŭ nietrach zorak zakančvajecca vadarodnaje paliva, što padtrymlivaje ich śviačeńnie miljardy hadoŭ, jadro pačynaje ściskacca, dadatkova razahravacca i «raspalvać» termajadravyja reakcyi ŭ vonkavych słajach zorki, što i pryvodzić da pašyreńnia.

Hetaje pašyreńnie nastolki vialikaje, što vychodzić za miežy arbit najbližejšych da zorki płaniet, jakimi ŭ vypadku Soniečnaj sistemy źjaŭlajucca małyja płaniety, u tym liku i Ziamla. U vyniku rečyva płaniety pierachodzić da zorki. Pastupova «nabrakłaja» zorka pačynaje ściskacca ŭ inšuju formu — tak zvanaha biełaha karlika, a vakoł jaje farmujecca tonkaja atmaśfiera, jakaja źmiaščaje elemienty, što niekali znachodzilisia ŭ składzie płaniet.

Analiz chimičnaha składu hetaj atmaśfiery lohka ažyćciavić, što ŭ svajoj pracy i zrabili navukoŭcy, jakija pakazali, što

z 146 vyvučanych imi biełych karlikaŭ 109 majuć prykmiety taho, što niekali ŭ minułym u stanie čyrvonych hihantaŭ jany pahłynuli svaje płaniety, jakija składalisia ź ćviordych hornych parod.

Ekstrapalacyja hetych dadzienych na ŭvieś Mlečny Šlach dazvoliła navukoŭcam vyjavić, što ŭ našaj hałaktycy adnačasova moža isnavać prynamsi kala miljarda ziemlepadobnych płaniet, častka ź jakich moža być zasielenaja jakimi-niebudź formami žyćcia.

Na dumku płanietołaha Džonatana Fortni, słovy jakoha pryvodzić vydańnie Science NOW, hetaja praca astranomaŭ pakazvaje, što ŭtvareńnie padobnych da Ziamli płaniet — bolš raspaŭsiudžany praces, čym možna było mierkavać da hetaha času, a tamu takich płaniet u Mlečnym Šlachu moža być i našmat bolš za miljard.

• 0
• 0
• 0
• 0
• 0
• 0
• 0
• 0