Na kanviercie Cichanoŭskaj napisana «Miedviediu O.V.» Što heta za čałaviek?
Imia Aleha Miadźviedzia jość na Čornaj karcie Biełarusi. U jaho jość taksama pašpart prykryćcia.
Śviatłana Cichanoŭskaja pakazała skrutak, jaki 10 žniŭnia 2020 hoda joj pieradaŭ načalnik apieratyŭna-analityčnaha centra (AAC) Andrej Paŭlučenka — pierad prymusovym vyjezdam Cichanoŭskaj ź Biełarusi.
Lidarka demakratyčnych sił Cichanoŭskaja śćviardžaje, što tolki ciapier upieršyniu raśpiačatała kanviert i znajšła ŭ im 15 tysiač jeŭra novymi kupiurami. U levym kucie napisana «…sk» — mahčyma, «Minsk». A voś paznaka ŭ centry — «Miedviediu O.V.».
Chto hety čałaviek?
Imia Aleha Uładzimiraviča Miadźviedzia naniesiena na Čornuju kartu Biełarusi. Pa stanie na 2020 hod jon byŭ supracoŭnikam hrupy «Alfa» KDB Biełarusi.
Aleh Miadźviedź naradziŭsia 28 studzienia 1974 hoda. U jaho jość kvatera ŭ domie dla siłavikoŭ na vulicy Niomanskaj u Minsku, a taksama lecišča pad Minskam ŭ dačnym tavarystvie «Stralec-2014». Tam, u Zabałockim sielsaviecie Smalavickaha rajona, atrymali ŭčastki pad budaŭnictva dziasiatki supracoŭnikaŭ hrupy «Alfa» KDB.
Jak paviedamili «Radyjo Svaboda» ŭ arhanizacyi byłych siłavikoŭ «Biełpoł», Aleh Miadźviedź, akramia pašparta na svajo imia, maje taksama pašpart prykryćcia na imia Nilina Aleha Uładzimiraviča.
U čym mienavita zaklučyŭsia ŭdzieł hetaha Aleha Miadźviedzia ŭ śpiecapieracyi pa vysyłcy Śviatłany Cichanoŭskaj, nieviadoma. Adnak vyhladaje, što mienavita na jaho imia byli vydadzieny 15 tysiač jeŭra.
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda15
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary