Staršynia KNR Si Czińpin pravodzić samuju bujnuju «čystku» vajskovaha kiraŭnictva krainy z časoŭ Mao Czeduna. Pavodle infarmacyi ahienctva Bloomberg, amal 18% vysokapastaŭlenych aficeraŭ Narodna-vyzvalenčaj armii Kitaja (NVAK), pryznačanych raniej Si, źnikli z publičnaj prastory, akazalisia pad śledstvam abo byli aryštavanyja.
Z pačatkam treciaha terminu Si Czińpina ŭ 2023 hodzie pačalisia masavyja kadravyja pierastanoŭki ŭ NVAK, maštaby jakich niekatoryja analityki paraŭnoŭvajuć z «kulturnaj revalucyjaj».
Adzin z apošnich fihurantaŭ — hienierał-pałkoŭnik Che Vejdun, druhi pa ranhu aficer NVAK i namieśnik staršyni Centralnaj vajskovaj rady (CVR). Jahonaja niečakanaja adsutnaść na štohadovaj aficyjnaj cyrymonii sadžańnia dreŭ u krasaviku stała sihnałam niamiłaści. Raniej Che kamandavaŭ Uschodnim teatram vajennych dziejańniaŭ, adkaznym za mahčymuju apieracyju suprać Tajvania, i ličyŭsia asabista blizkim da Si.
Pa mierkavańni Bloomberg, Che staŭ samym vysokapastaŭlenym vajskovym kamandziram, adstaŭlenym z časoŭ śmierci Mao ŭ 1976 hodzie. Ahientstva praanalizavała televizijnyja repartažy, dziaržaŭnyja vydańni i inšyja publičnyja dakumienty i vyśvietliła, što za treci termin Si 14 z 79 hienierałaŭ CVS źnikli abo apynulisia pad śledstvam. Dla paraŭnańnia: za 20 hadoŭ u papiarednikaŭ Si takich vypadkaŭ nie było. U CVR ciapier zastałosia tolki čatyry pastajannyja členy ź siami — heta minimum z časoŭ masavych represij Mao.
Analityki adznačajuć, što adstaŭka klučavych vojenačalnikaŭ moža paŭpłyvać na płany Kitaja adnosna Tajvania i vyklikaje pytańni pra hatoŭnaść kitajskich uzbrojenych sił. Staršy navukovy supracoŭnik Centra vyvučeńnia ŭzbrojenych sił Kitaja pry Nacyjanalnym univiersitecie abarony ZŠA Džoeł Uatnau ličyć, što nieprazrystaść sistemy kiraŭnictva armii moža chavać defiekty i nieefiektyŭnaść uzbrajeńniaŭ, jakija mohuć prajavicca tolki padčas bajavych dziejańniaŭ.
Kitaj paabiacaŭ Trampu nie napadać na Tajvań, pakul jon pry ŭładzie
U ES i ZŠA paŭtara hoda na padrychtoŭku da vajny z Kitajem i Rasijaj — hałoŭnakamandujučy abjadnanymi siłami NATA ŭ Jeŭropie
Sireny i evakuacyja: na Tajvani trenirujucca ŭ vypadku ŭvarvańnia Kitaja
Rute: Kitaj moža spravakavać Rasiju da napadu na NATA
Na abiedzie Łukašenki i Si Czińpina prysutničała i adzinaja dačka kitajskaha lidara
Kamientary
I novoho ministra oborony SŠA naznačili iz otstavnych majorov vypivoch!
Intieriesno, kto bystrieje razvalit armii Si ili Tramp ?