Cichanoŭskaja: Dla biełarusaŭ miaža z Polščaj — miaža sa svabodnym śvietam
U suviazi z pryniaćciem polskim uradam rašeńnia ab zakryćci miažy ź Biełaruśsiu ŭ suviazi z vučeńniami «Zachad-2025» demakratyčnaja lidarka Śviatłana Cichanoŭskaja vydała admysłovuju zajavu.
Śviatłana Cichanoŭskaja, nazvała zakryćcio miažy «pradkazalnym krokam u adkaz na ahresiŭnyja dziejańni Pucina i Łukašenki», adznačyŭšy, što abodva dyktatary praciahvajuć pravakacyi suprać našych susiedziaŭ.
«U toj čas, kali režym dziejničaje jak saŭdzielnik u vajnie Rasii suprać Ukrainy, susiedzi majuć prava ŭmacoŭvać svaju biaśpieku», — padkreśliła Cichanoŭskaja.
U toj ža čas jana adznačyła, što biełaruski narod jak taki nie źjaŭlajecca pahrozaj dla svaich susiedziaŭ.
«Dla nas vielmi važna, kab zachoŭvałasia pasažyrskaje złučeńnie, bo dla biełarusaŭ hetaja miaža — miaža sa svabodnym śvietam», — zajaviła Śviatłana Cichanoŭskaja.
Pavodle jaje słoŭ,
«my kantaktujem ź Ministerstvam zamiežnych spraŭ Polščy i ŭ najbližejšy čas daviedajemsia, jak buduć dziejničać hetyja abmiežavańni».
Ciapier čytajuć
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
Kamientary