Eks‑siabroŭka Meła Hibsana prafinansavała apieracyi 22‑m biełaruskim dzieciam
Rasijskaja muzykantka ź biełaruskimi karaniami Aksana Hryhorjeva (Čarnucha), jakaja apošnim časam žyvie ŭ Łos‑Anželesie, nie źbirajecca spyniać svajoj dabračynnaj dziejnaści i budzie nadalej finansavać lačeńnie paciarpiełych u vyniku Čarnobylskaj katastrofy biełaruskich dziaciej.
Voś užo treci hod zapar jana achviaruje ŭłasnyja hanarary za kancerty i prodaž albomaŭ u mižnarodnuju prahramu «Dziciačaje serca», što dziejničaje ŭ Biełarusi i va Ŭkrainie pry aktyŭnym ŭdziele kardyjachirurhaŭ z ZŠA.
Apieracyi na serca dla biełaruskich dziaciej pravodziacca na bazie dziciačaha kardyjacentra RNPC «Kardyjałohija». Sioleta 39‑hadovaja pijanistka i śpiavačka pieraličyła na rachunak prajekta 100 tysiač dalaraŭ — hrošy za jaje solny kancert u Łos‑Andželesie.
Aksana choča nieŭzabavie naviedać Minsk i sustrecca z tymi 22 biełaruskimi dziećmi, jakim užo praviali składanyja kardyjałahičnyja apieracyi, a taksama pabačyć tych, kamu hetyja apieracyi pryznačanyja sioleta na travień. Pra heta jana paviedamiła ŭ razmovie z žurnalistami ŭ Maskvie.
Na minułym tydni ŭ rasijskaj stalicy muzykantka ŭziała ŭdzieł ŭ dabračynnym kancercie «Padary žyćcio», srodki ad jakoha pojduć na lačeńnie ankałahična chvorych dziaciej.
Na pytańnie, čamu jana vyrašyła akazvać dapamohu čarnobylskim dzieciam, Aksana adkazała: «U mianie jość ułasnyja dzieci, i ja z spačuvańniem staŭlusia da inšych maci ź dziećmi…
Mnie pašancavała, što ja ŭ stanie dapamahčy hetym dzieciam i ja maju honar rabić heta».
Pavodle ŚMI, ni kancert Hryhorjevaj u Maskvie, ni jaje prahrama nie byli adkrytymi dla šyrokaj publiki i presy.
Kamientary