Usiaho 7 rubloŭ na dzień tracić trenier z Baraŭlan na zdarovaje charčavańnie
Jak tak atrymlivajecca i što jon jeść?
Trenier Hleb Šutaŭ z Baraŭlan pierakanany, što zdarovaje charčavańnie moža być tannym.
Hleb ciapier u stadyi naboru myšačnaj masy (važyć kala 90 kh), tracić na ježu kala 210‑220 rubloŭ u miesiac, piša «Prystaličča».
«Kab nabirać «mahutnuju» masu, u mianie idzie paradku 7‑8 rubloŭ u dzień na charčavańnie. Ja biaru białki nie z łasosia, a z tvarahu, kurynaj hrudki i jajek. Vuhlavody — z hrečki i rysu. Hetyja pradukty dajuć stolki ž sił dla trenirovak, što i darahija anałahi», — śćviardžaje trenier.
Jaho štodzionny racyjon prosty: naprykład, na śniadanak — dva jajki z rysam i tvaroh, na abied — kuryca z hrečkaj. Taki padychod ekanomić nie tolki hrošy, ale i čas na hatavańnie i padlik kałoryj.
«Mnie praściej ličyć białki i vuhlavody, kali ja jem adno i toje ž. Tady nie treba kožny raz pieraličvać. Ja ŭžo pryvyk, i mianie ŭsio zadavalniaje. Ale pry žadańni raznastajnaść unosić možna i treba», — raić trenier.
Hleb skieptyčna stavicca da supierfudaŭ i dabavak.
«Arhanizmu ŭsio roŭna, voźmiem my białok z tvarahu ci z «supiermiehadabaŭki» — u straŭniku ŭsio rasščaplajecca na aminakisłoty. Jamu nieistotna, adkul my ich uziali».
Na dumku treniera, pierachod na zdarovy ład žyćcia — heta nie dadatkovyja traty, a, naadvarot, ekanomija.
«Kali ŭ mianie zaŭtra ciažkaja treniroŭka, ja ŭviečary nie pajdu tracić hrošy na kaktejli. Heta ŭžo ekanomija, — pryvodzić prykład Hleb. — Kali čałaviek nie vysypajecca, arhanizm znachodzicca ŭ stresie i imkniecca źjeści tłustuju i bahatuju na vuhlavody ježu dla chutkaj enierhii. I kali vysypacca i jeści dastatkova białku, to źnikaje sama ciaha da spantannych pierakusaŭ prysmakami».
Ciapier čytajuć
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary